Nikita Pavlenko: "Gol urilgan vaziyatda omadim ham keldi"

"Yangi mavsumga jiddiy tarzda tayyorgarlik ko'rayapmiz. Kuniga ikki mahaldan mashg'ulot o'tkazayapmiz. Orada o'rtoqlik uchrashuvlari ham o'tkazilmoqda. Bugun "Neftchi" bilan o'ynadik. Raqib ham xuddi biz kabi jismoniy yuklamalardan so'ng maydonga tushdi. Yaxshi o'yin bo'ldi deb o'ylayman. Murabbiylar bir qator futbolchilarni sinab ko'rishdi.

Golga kelsak o'ng qanotdan jarima maydoniga uzatilgan to'p sherigimning boshiga tegib men turgan joyga keldi. Yaqin masofadan to'p kiritish qiyin bo'lgani yo'q. Bu holatda omadim ham keldi.

Tarkibimizga kuchli futbolchilar qo'shilishmoqda. Masalan, Darko Stanoevich tajribali himoyachi, Farhod Tojiev O'zbekiston milliy terma jamoasida o'ynagan.

Raqobatdan qo'rqmayman. Kim kuchli bo'lsa murabbiylarni aynan uni maydonga tushirishadi. Biz futbolchilar mashg'ulotlarda tinmay mehnat qilishda davom etishimiz kerak", - deydi Pavlenko.