Neymar jarohatini davolash uchun kuniga 11 soatgacha mashq qilmoqda. "Santos" hujumchi bilan shartnomani uzaytirish masalasini muhokama qiladi

"Santos" forvardi 17 aprel kuni Braziliya chempionatida "Atletiko Mineyro"ga qarshi o'yinda (2:0) chap sonini shikastlab oldi va 34-daqiqada zaxiraga olindi.

33 yoshli futbolchi klub bazasida kuniga 11 soatgacha shug'ullanmoqda. U haftada bir necha kun ikki mahal ishlaydi. Tiklanish jarayoni qoniqarli kechmoqda.

Futbolchi shifokorlar tavsiyasiga amal qiladi va may oyi oxiri yoki iyun oyi boshida maydonga qaytishi kutilmoqda. "Santos" tibbiy shtabidagilarning aytishicha, Neymar "hech qachon bunchalik ko'p mashq qilmagan".

Hujumchining braziliyaliklar bilan shartnomasi 30 iyungacha amal qiladi. Yaqin kunlarda tomonlar kelishuvni uzaytirishni muhokama qilishi kutilmoqda.