Neymar "Barselona"ni yana bir bor sudga beradi

"Mundo Deportivo" xabariga ko'ra, "Barselona" Neymarning jamoadagi so'nggi mavsumi uchun 3,5 million evro to'lashi kerak bo'lgan. Kataloniya klubi buni to'lanishini vada qilgan bo'lsa-da, bu haligacha amalga oshirilmagan.

Oldinroq braziliyalik futbolchi bir vaqtlar "Barselona" bilan shartnomasini uzaytirgani sababli vada qilingan 44 million evroni sud orqali undirib olmoqchi bo'lgandi. Biroq u o'sha paytda Kataloniyaga qaytish istagi borligi sababli ishlar unchalik jiddiylashmagandi.

O'tgan yozda "Barselona" Neymarni qaytarish borasida PSJ bilan muzokara o'tkazgan, biroq tomonlar transfer narxni kelisha olishmagandi.