“Neftchi” yangi yil tadbirini o'tkazdi

Xususan “Neftchi” klubi ham kuni kecha yangi yil bayramini o'tkazdi. Payshanba kuni Farg'ona shahridagi “Miraj” kafesida futbolchilar, klubning hisobchi, oshpaz va jamiki ishchi xodimlari sharafiga bayram dasturxoni yozildi.



SHuningdek kechaga bir qator mehmonlar taklif etildi. Xususan Farg'ona neftni qayta ishlab chiqarish zavodining direktor o'rinbosari SHuhrat Sultonovich, Farg'ona viloyati futbol federaciyasi vice-prezidenti Salimjon Zokirov, “Istiqlol” stadioni direktori Ilhomjon Sobitov, kabi bir qator taniqli kishilar tadbirga tashrif buyurdi.



Yangi yil bayrami boshlanishi oldidan “Neftchi” klubi raisi Tohir Kapadze so'zga chiqib, yig'ilganlarni kirib kelayotgan yangi 2015 yil bilan samimiy qutladi. SHuningdek bir qator martabali kishilar so'zga chiqib, bayram arafasi tabriklarini yo'lladi.



Farg'ona futbolida o'ziga yarasha xurmat qozongan Lev Vaxtin, Arkadiy Pishuk hamda Valeriy Sedunov kabi faxriylar ham chiqish qilib, dilso'zlarini bildirdi.

SHundan so'ng futbolchilar sahnaga taklif etilib, musiqa va raqslar tashkil etildi.

SHu tariqa yangi yil tadbiri o'z poyoniga etdi.