"Neftchi": O'rinbosarlarimiz ochko yo'qotishdi (FOTO+VIDEO)

Bahs gollarga boy bo'ldi. Dastlabki gol birinchi bo'limning so'nggida kiritildi. Muhsin Ubaydullaev o'z faolligining evaziga o'ng qanotdan raqib jarima maydonchasiga yorib kirdi va to'pni markazga tashladi. Hujum markazida turgan Xurshid Asqaraliev aldamchi usulda to'pni osonlik bilan raqib darvozasiga joylab qo'ydi. Birinchi taym yosh farg'onaliklarning hisobdagi ustunligi bilan xotima topdi.

Mehmonlar mazkur golga ikkinchi bo'limda javob qilishdi. SHoxrux Dostonov SHuhrat Rahmonov qo'riqlayotgan darvozaga yo'l topdi. Oradan ko'p o'tmay zahiradan maydonga tushgan Abdurahmon Abdulhaqov raqib darvozabonini ranjitdi. Aynan uning javob goli hisobni 2:1 ko'rinishiga olib keldi.

Afsuski, so'nggi daqiqalar maydon egalariga xiyonat qildi. Ikkinchi bo'limning so'nggiga kelib SHoxrux Dostonov yana bir bor gol urdi hamda jamoasini muqarrar mag'lubiyatdan qutqarib qoldi. Yakuniy hisob 2:2, durang!

Yoshlarimiz bahsda quyidagi tarkibda harakatlandi

Asosiy tarkib: Abdumavlon Abdujalilov, Abrorbek Ismoilov, Islombek Karimov, Abduqodir Artikov, Xurshid Asqaraliev, Husniddin G'ofurov, Javohir Rasulov, Muhsin Ubaydullaev, SHodiyor Xojimatov, Mirjamol Nematov, Otabek Haydarov

Zaxira: SHuhratillo Rahmonov, Farxod Namozov, Murod To'ychiboev, Sardorbek Isakov, Abdurahmon Abdulhaqov, Rizo Ayvazov

“Neftchi” matbuot xizmati