"Neftchi": O'rinbosarlar safiga ko'rik davom etmoqda

SHuningdek murabbiylar shtabi qishki yig'in chog'ida yanada raqobatdosh tarkibni takomillashtirish hamda jamoa safiga bir qator saviyali ijrochilarni jalb etishga  katta etibor qaratishgan. Umumiy qilib aytganda, selekciya jarayoni avjida.

SHu bilan birgalikda Farg'ona viloyatidagi iqtidorli yosh futbolchilarni “Neftchi” PFK safiga jalb etish borasida ham keng ko'lamli ishlar yo'lga qo'yilgan. Maxalliy iqtidorlarni jamoaga saralab olishni shaxsan klub rahbariyati va jamoa murabbiylari nazorat qilishadi. Takidlash o'rinliki, ayni paytda jamoamizning o'rinbosarlar tarkibiga istedodli yoshlarni jalb etish jarayoni qizg'in ketmoqda. Nafaqat istedodli futbolchilar balki kelajakda professional futbolchi bo'lishni niyat qilgan va o'zini sinab ko'rish maqsadida ko'rikka kelgan yoshlarga ham imkoniyatlar berilyapti, murabbiylar tomonidan yoshlarga yo'nalish ko'rsatilmoqda. Talabga to'liq javob beradigan va o'zini xar taraflama namoyon etgan ijrochilar yangi mavsumda yoshlar jamoasi safiga taklif etilishlari mumkin.

Bugun ham “Istiqlol” stadionining mashg'ulotlar maydonida o'rinbosarlar safiga ko'rikka kelgan yoshlar “Neftchi” PFK tasaruffidagi futbol maktabi tarbiyalanuvchilariga qarshi nazorat bahsida ishtirok etishdi. Bellashuvni bevosita klub raisi Rustam Abdullaev, jamoa bosh murabbiyi Andrey Fyodorov hamda yoshlar jamoasi murabbyilari Bahrom Haydarov, Diyor Alijonov va Xushbek Qosimov singari mutaxassislar kuzatib borishdi.