"Neftchi" - "Nasaf" uchrashuvidan oldin prevyu

Aytish kerakki, “Neftchi” hamda “Nasaf” jamoalari shu kunga qadar o'zaro 38 marta to'qnash kelishgan. Mazkur o'yinlarning 15 tasida “Neftchi” jamoasi zafar quchgan bo'lsa, xuddi mana shunday ko'rsatkichda qarshilik futbolchilar o'z g'alabalarini tantana qilishgan. 8 ta o'yinda tomonlar murosa ko'chasini tanlashgan. To'plar nisbati: 46:48. “Nasaf” jamoasi foydasiga.

Afsuski, “Nasaf”ga qarshi o'tgan so'nggi bahslardagi natijalar jamoamiz uchun qoniqarli emas.  2015-yildigi har ikkala bahsda “Nasaf” futbolchilari kichik hisobda g'alabaga erishishgan. Farg'onada kechgan bellashuv taqdirini qarshiliklar etakchisi Artur Gevorkyan hal etgan bo'lsa, Qarshidagi o'yinda Ilhom SHomurodov o'z jamoasiga g'alabani taqdim etgan.

Farg'onada kechgan so'nggi 7 uchrashuv:
2015 yil. “Neftchi” – “Nasaf” 0:1
2014 yil. “Neftchi” – “Nasaf” 0:1
2013 yil. “Neftchi” – “Nasaf” 1:1
2012 yil. “Neftchi” – “Nasaf” 0:0
2011 yil. “Neftchi” – “Nasaf” 1:1
2010 yil. “Neftchi” – “Nasaf” 1:2
2009 yil. “Neftchi” – “Nasaf” 1:0

Malumot o'rnida, 26 mart kuni  “Istiqlol” stadionida bo'lib o'tadigan o'yinni B. Namazov boshchiligidagi hakamlar guruhi boshqarib boradi.  Eslatib o'tamiz, O'zbekiston Kubogi doirasidagi “Neftchi” – “Nasaf” o'yinin 26 mart kuni Farg'ona shahridagi “Istiqlol” stadionida bo'lib o'tadi. O'yin soat 17:00da start olishi reja qilingan.

“Neftchi” matbuot xizmati