"Neftchi" futzalchisi Avazbek Abduvaliev: "Navbahor"ga qarshi qiyin o'yin o'tkazdik"
21 sen 2018 11:33
Yangiliklar

"Neftchi" futzalchisi Avazbek Abduvaliev: "Navbahor"ga qarshi qiyin o'yin o'tkazdik"

Futzal bo'yicha O'zbekiston chempionati 16-turidan o'rin olgan “Neftchi”-“Navbahor” (5:4) jamoalari o'rtasidagi uchrashuvidan so'ng mezbonlar futzalchisi Avazbek Abduvaliev “championat.asia” saytiga intervyu berdi.

Bugun qiyin uchrashuv o'tkazdik. Birinchi bo'limda “Navbahor” jamoasi ketma-ket gollarni kiritdi. Ikkinchi bo'limda murabbiylarimizdan tegishli ko'rsatmlarni olib maydonga tushdik, ular tomonidan tayyorlangan taktikalarni amalga oshirdik va yakunda maqsadimizga erishib, 5:4 hisobida g'alaba qozondik. Uchrashuvda keskinlik juda yuqori bo'ldi. Ertangi uchrashuvda bugungi yo'l qo'ygan kamchiliklarimizni bartaraf etishga harakat qilamiz. Nasib etsa ertaga ham “Navbahor” jamoasi ustidan g'alaba qozonib, jamoamiz muxlislarini xursand qilamiz degan umiddaman.

Bekzod Tolibov yozib oldi.