"Neftchi" FIFA kunlarida ikkita o'rtoqlik o'yini o'tkazadi

Vitaliy Levchenko boshchiligidagi "Neftchi" 12 sentyabr kuni Qirg'iz Respublikasining "Alay" klubiga qarshi maydonga tushsa, 16 sentyabr kuni esa raqib sifatida "Andijon" tanlangan. Ushbu o'rtoqlik o'yinlarida O'zbekiston U-23 terma jamoasiga chaqirilgan Vladimir Nazarov va Ulug'bek Xoshimov hamda Tojikiston milliy terma jamoasiga chaqirilgan Zoir Jo'raboev ishtirok etishmaydi.

Malumot uchun, "Neftchi" Superligada ortda qolgan 18ta turda 8ta g'alaba va 10ta durang qayd etib 34 ochko bilan musobaqa jadvalining 3-pog'onasida bormoqda.