So’nggi yangiliklar

20:17Англия кубоги. "Тамворт" — "Тоттенхэм" ўйини ғолиби қўшимча бўлимларда аниқланди  0 20:01Абдуқодир Ҳусанов АПЛдаги илк ўзбекистонлик футболчига айланади. У янги жамоаси сафига қачон бориб қўшилади ва "Манчестер Сити"даги қайси рақамни олади?  3 20:00Англия кубоги. "Арсенал" — "Манчестер Юнайтед" 0:0 (матнли трансляция)  4 19:40Гарначо 50 млн евро эвазига бошқа клубга ўтиши мумкин  1 19:15"Атлетико" — "Осасуна". Гризманн ва Альварес асосий таркибда  2 19:10"Арсенал" — "Манчестер Юнайтед". Таркиблар маълум  11 19:05Ўзбекистон U-17 "Сурхон U-21"ни йирик ҳисобда мағлуб этди  2 19:00"Ўзбек Лоран Блани": Франциялик шарҳловчи Абдуқодир Ҳусановнинг "Манчестер Сити"га трансфери ҳақида гапирди  14 18:30"Абдуқодир Ҳусанов камгап, аммо кучли футболчи" — "Ланс" устози  40 18:15"Венеция" — "Интер". Лаутаро ва Тареми асосий таркибда  2 18:15Абдуқодир Ҳусановнинг укаси "Ланс" академиясида!  7 18:01Уокер Ибрагимович билан музокаралар олиб борди  1 17:21"Барселона" Арауходан норози  2 16:50"Манчестер Сити" "Реал" ўйинчиси билан шартнома имзоламоқчи  5 16:24Эртага Ўзбекистон аёллар терма жамоаси ўз юришини бошлайди  0

“Neftchi” – “Buxoro”: 48-uchrashuvga Farg'ona mezbonlik qiladi Yangiliklar

“Neftchi” – “Buxoro”: 48-uchrashuvga Farg'ona mezbonlik qiladi

Teglar :  NeftchiBuxoro
Oliy ligamizda ko'p sonli ashaddiy muxlislarga ega bo'lgan “Neftchi” hamda “Buxoro” klublari 27-turda yana to'qnash kelishmoqda.

Yangi mavsum avvalida o'z tarkibini sezilarli darajada kuchaytirgan va ancha raqobatdosh jamoa shakllantirgan buxoroliklar bu yilgi mavsumda mazmunli o'yin va ijobiy natijalar qayd etishmoqda. Oliy liga-2016ning etakchi jamoasi 27-turda Farg'onada mehmon bo'ladi. Quyida ushbu raqiblarning o'zaro o'yinlariga doir malumotlarni keltirib o'tamiz.
 
O'ZARO O'YINLAR:

Milliy futbolimizda o'z o'rniga ega bo'lgan “Neftchi” hamda “Buxoro” klublari Oliy ligada 47 marta g'oliblik yo'lida kurash olib borishgan. Mazkur raqiblarning o'zaro statistik malumotlarida “Neftchi”ning ijobiy natijalariga guvohi bo'lishimiz mumkin. O'tkazilgan uchrashuvlarning 34 tasida Andrey Fyodorov shogirdlari o'z zafarlarini nishonlashgan. Jamshid Saidov boshchiligidagi buxoroliklar esa 11 marta “Neftchi”ni uch ochkodan quruq qoldirishgan. 2 ta bahsda  tomonlar do'stlik ko'chasini tanlashgan. To'plar nisbati “Neftchi” foydasiga 97:40. O'zaro o'yinlarda “Neftchi” 104 ochkoni, “Buxoro” esa 35 ochkoni qo'lga kiritgan.Eng yirik hisoblar haqida gap ketganda, “Neftchi” Oliy ligada “Buxoro” ustidan 5:0 hisobida g'alaba qozongan. Bu o'zaro o'yinlardagi Vodiy klubining eng yirik g'alabasidir. “Buxoro”ning o'zaro o'yinlardagi eng yirik g'alabasi esa 4:1 bo'lib turibdi.

BIRINCHI DAVRADAGI UCHRASHUV:

Ushbu mavsumda “Neftchi” hamda “Buxoro” klublari o'rtasidagi ilk o'yin Buxoro shahrida o'tkazildi. Ravshan Ermatov hakamlik qilgan bellashuvda buxorolik futbolchilar g'alabaga erishishgan. Bahs taqdirini Bahodir Pardaev hamda Aziz Ibragimovlar tomonidan kiritilgan to'plar hal etgan. 2:0.

FARG'ONADAGI O'YINLAR:  

Statistika shuni ko'rsatadiki, buxoroliklar Farg'onada xech qachon “Neftchi”ni yuta olishmagan. Umuman olganda “Buxoro” uchun Vodiy klubi uyidagi uchrashuvlar omadsiz kechgan. Andrey Fyodorov shogirdlari o'z maydonlarida bu raqibni muntazam mag'lub etib kelmoqda. 2015-yili “Istiqlol” stadionida bo'lib o'tgan “Neftchi” – “Buxoro” bahsida ham farg'onaliklar Akmal Xolmatov mualliflik qilgan gol evaziga uch ochkoni rasmiylashtirishgan.

Farg'onada o'tgan so'nggi olti uchrashuv:

2015 Neftchi – Buxoro 1:0
2014 Neftchi – Buxoro 1:0
2013 Neftchi – Buxoro 1:0
2012 Neftchi – Buxoro 3:1
2011 Neftchi – Buxoro 2:0
2009 Neftchi – Buxoro 3:1

NAVBATDAGI BAHS:


“Buxoro” jamoasi Farg'ona safari oldidan ishonchli natija qayd etdi. Saidov jamoasi 26-turda Toshkentning “Lokomotiv” klubini mag'lub etdi. Umuman olganda, buxorolik futbolchilar Vodiyga yaxshi kayfiyatga etib kelishmoqda. “Neftchi” esa o'tgan turda Qo'qon jamoasidan mag'lub bo'ldi va navbatdagi uy uchrashuvida muxlislar ulardan g'alaba qozonishni talab etishlari aniq. Aynan shu omillarni inobatga olsak, “Istiqlol”da ancha qiziqarli va murosasiz o'yin bo'lishi tahmin qilish mumkin.
 
“Neftchi” (Farg'ona) – “Buxoro” (Buxoro)
29 oktyabr 2016. Farg'ona. “Istiqlol” stadioni. 15:00
Hakamlar:
V. Agishev (Toshkent), M. Saidqosimov (Toshkent), A. Snetkov (Toshkent vil.), I. Garmashov (Toshkent)
Nazoratchi: R. Aytekov (Toshkent).


“Neftchi” matbuot xizmati

Reyting: +6   

Fikrlar

championat.asia
< so’nggi yangiliklarni ko’rish
Яндекс.Метрика