Nazorat uchrashuvi. "Metallurg" - "So'g'diyona" 1:1
26 jan 2020 11:45
Yangiliklar

Nazorat uchrashuvi. "Metallurg" - "So'g'diyona" 1:1

Superliganing yangi mavsumiga tayyorgarlik ko'rayotgan Bekobodning “Metallurg” jamoasi Qibrayda Jizzaxning “So'g'diyona” jamoasiga qarshi nazorat uchrashuvini o'tkazdi.

Qiziqarli va murosasiz kurashlar ostida kechgan uchrashuvda tomonlar bir martadan muvaffaqiyat qozonishib, murosa ko'chasini tanlashdi.

Uchrashuvning birinchi bo'limida “Metallurg”ning sobiq himoyachisi SHavkat Mullajonov jizzaxliklar hujumini muvaffaqiyatli yakunladi. Uning qaychi uslubida bergan zarbasi Aleksandr Lobanov uchun kutilmagan hol bo'ldi – 0:1. Bekobodliklar esa ikkinchi taymda hisobni tenglashtirishdi. 77-daqiqada jizzaxliklar darvozasi yonida sodir bo'lgan parokandalikdan “Metallurg”ning yosh o'yinchilari unumli foydalanishdi. Xudoyshukur Sattorovning uzatmasini Abror Toshqo'ziev golga aylantirdi. Bu hisob o'yin yakuniga qadar o'zgarmay qoldi.

“Metallurg” keyingi nazorat uchrashuvini 29 yanvar sanasida “Surxon” jamoasiga qarshi o'tkazadi.

Nazorat uchrashuvi
Metallurg - So'g'diyona - 1:1.
Hakamlar: V.Agishev, T.Galeev, D.Saylovov.
Nazoratchi: A.Popov.
Gollar: A.Toshqo'ziev (77) - SH. Mullajonov (24).

Havola :

Manba : "Металлург" матбуот хизмати

Yangiliklarni Telegramda o'qing!

Reyting: -6