Nazorat uchrashuvi: “Bunyodkor” – “Xenan Jiane” 3:1

“Qaldirg'ochlar”ning sparring raqibi 2015 yilgi mavsumda Xitoy chempionatida 5-o'rinni egallagan “Xenan Jiane” klubi bo'ldi.

Qiziqarli kechgan bahsda “Bunyodkor” xitoyliklardan 3:1 hisobida ustun keldi. Birinchi bo'limda Dilshodbek Ahmadalievga nisbatan ishlatilgan qo'pollikdan so'ng “Xenan Jiane” darvozasi tomon penalti belgilandi. 11 metrlik nuqtadan Dostonbek Hamdamov hisobni ochdi.

Tanaffusdan keyin zaxiradan maydon maydonga tushgan Zabixillo O'rinboev burchak to'pidan so'ng boshlangan hujumni gol bilan yakunladi. Oradan bir daqiqa o'tib, “Xenan Jiane” azosi Yin Xongbo hisobni qisqartirishga erishdi – 2:1. Uchrashuv yakunlanishi arafasida Minori Sato va SHahzodbek Nurmatov uyushtirgan kombinaciyani yaponiyalik futbolchi chiroyli gol bilan yakunladi.

SHu tariqa, “Bunyodkor” nazorat uchrashuvida Xitoyning “Xenan Jiane” klubi ustidan 3:1 hisobida g'alaba qozondi.

Nazorat uchrashuvi
“BUNYODKOR” – “XENAN JIANE” (Xitoy) 3:1 (1:0)
Gollar: Dostonbek Hamdamov 35 penalti (1:0), Zabihillo O'rinboev 53 (2:0), Yin Xongbo 60 (2:1), Minori Sato 89 (3:1)
“Bunyodkor”: 25.Murodjon Zuxurov, 18.Dilshodbek Ahmadaliev, 4.Rustamjon Ashurmatov, 34.Javlon Mirabdullaev, 48.Akramjon Komilov, 8.Jovlon Ibrohimov (19.Zabihillo O'rinboev 46), 5.Dilshod Jo'raev (9.Minori Sato 52), 29.Otabek SHukurov, 17.Dostonbek Hamdamov (44.Sanjar Qodirqulov 75), 16.Bahodir Nasimov, 10.Eldor SHomurodov (11.SHahzodbek Nurmatov 75)
25 yanvar. Dubay. “Jebel Ali” majmuasi.