Navro'z Alimov: "Keyingi mavsumda Superligaga qaytmoqchiman"

O'yinda mezbonlarning ikkinchi goliga mualliflik qilgan Navro'z Alimov uchrashuvdan so'ng o'z fikrlari bilan o'rtoqlashdi.

"Uchrashuv ancha qiyin kechdi. Bu o'yinda yutmasak bo'lmasdi. Boisi bir nechta uchrashuvlarni boy berib qo'ygan edik. Muxlislarga rahmat. Bizlarga ishonib oxirigacha qo'llab-quvvatlashayotgani uchun. Sodiq muxlislarimiz mashg'ulotlarga kelib ham qo'llab-quvvatlashmoqda. Ularga jamoamiz nomidan ham tashakkur izhor etaman. Keyingi o'yinlarda ham g'alaba qozonib ularni xushnud etishga harakat qilamiz.

Biroz lat edim. Biroq jarohatim jiddiy emas. Ushbu mavsumda ko'proq gol urib, jamoamga ko'proq nafim tegishiga harakat qilaman. Keyingi mavsumda Superligaga qaytmoqchiman. Keyingi o'yinimiz Muborakda bo'ladi va mehmonda ham ochko olib qaytishga harakat etamiz", deydi Navro'z Alimov.

Furqat Yusupov