Navoiylik muxlislar uchrashuvi+FOTO

“Qizilqum” ishiqibozlar klubi azolarining yangi mavsum oldidan Navoiy shahridagi “Yoshlar” sport majmuasida bo'lib o'tgan yig'ilishida bir qator masalalar muhokama qilindi.

Yig'ilishda “Qizilqum” FK ijrochi direktori Hamidjon Aktamov ishtirok etib, yangi mavsumda jamoaning maqsad vazifalari, muxlislar oldiga qo'yiladigan talablar haqida gapirdi.

“Joriy yilda O'FA va PFL tomonidan muxlislarga ham alohida talablar qo'yilmoqda. Stadionda muxlislik madaniyatini oshirish va  boshqa masalalarda ham alohida yo'riqnomalar mavjud. SHu boisdan yangi mavsumda har bir uchrashuvda jamoamizni har tomonlama qo'llab qo'vvatlash, ularni ruhlantirishda sizlarga bog'liq. O'z navbatida klub rahbariyati ham bu yil ishqibozlar klubiga barcha yordamni berishga tayyor” dedi Hamidjon G'ulomovich.

Yig'ilishda “Qizilqum” ishqibozlar klubi etakchisi Xamza Xo'jaqulov, faol muxlislardan O'tkir Rahmatov, Sanat Qurbonov va boshqalar so'zga chiqishib, yangi mavsumda jamoaga omad tilashdi va har bir uchrashuvda sevimli futbolchilarni har tomonlama qo'llab-quvvatlashga tayyor ekanliklarini bildirishdi.