"Navbahor"ning ko'rikdagi ukrainalik legioneri jamoadan ketdi

Murabbiylar shtabi yig'in davomida bir qator futbolchilarni ko'rikdan ham o'tkazishmoqda. Sinovdan o'tkazish uchun chaqirilgan futbolchilarning imkoniyati borasida malum tushunchaga kelish maqsadida bugun ikki taraflamali o'yin tashkil etildi. Sariqlar va qizillar o'rtasidagi bahs gollarga boy bo'ldi. Yani 90 daqiqa davomida darvozalarga ettita to'p kiritildi. Jamoalarning tarkibi quyidagicha ko'rinishga ega bo'ldi.

Sariqlar: Alisher Ahmedov, Botir To'raboev, Omon-Biik Halilov, Vadim Lyubinskiy, Azamat Mamadjanov, Bilol SHarofiddinov, Azim Ahmedov, Ilhom Boydedaev, Oyatullo Muhiddinov, Sohib Abdullaev, Ayubxon Gapparov.
 Zaxiradan maydonga tushganlar: Isroil Obidjonov, Nodir Teshaboev, Islom Ismailov.
Qizillar: Islom Jo'raev, Mirzohid Sobirov, SH.Niyozov, Muhammad Nuriddinov, Hojiakbar Asatillaev, Muhammad Rasulov, Ibrohim Karimov, Muhammadsodiq Odilov, Muhsin Manavixanov, Jamol Ikromov, Nodir Teshaboev.
 Zaxiradan maydonga tushganlar: Alisher Ahmedov, Murod Rahmonov, Omon-Biik Halilov, Akbarsho Rashidxanov, Javlon Xolmirzaev, Komil Qo'chqarov, Sardor Asqarov, B.Karimov, Sobit Vohidov.

Uchrashuvlar sariqlar 3:2 hisobida g'alaba qozonishdi. G'olib tomon gollariga Oyatullo Muhiddinov, Azamat Mamadjanov, Abyuxon Gapparovlar mualliflik qilishdi. Qizillarning gollariga Muhammad Rasulov va Nodir Teshaboevlar kiritishdi. O'yin yakuniga etgach, ko'rikdan o'tkazish uchun taklif etilgan futbolchilarning ko'pchiligiga javob berildi. O'tgan mavsumni Oq-tepa jamoasida o'tkazgan Azamat Mamadjanov, Jamol Ikromov (CHust-Paxtakor) va Nodir Teshaboev (Andijon)lar esa hozircha jamoa bilan birga shug'ullanishmoqda. Ukrainaning Kremen klubidan taklif etilgan Vadim Barba esa klub qarorgohini tark etdi. Futbolchi Qozog'istondan tushgan taklif tufayli yurtimizni tark etishga qaror qilganligini bildirdi.