"Navbahor"dan sensaciya! Futbolchilarga millionlar sarflagan "Al Hilol" "lochinlar"ni taslim qilish imkonini topa olmadi
19 sen 2023 17:42
Yangiliklar

"Navbahor"dan sensaciya! Futbolchilarga millionlar sarflagan "Al Hilol" "lochinlar"ni taslim qilish imkonini topa olmadi

Kecha Osiyo yashil maydonlarida OCHL guruh bosqich bellashuvlariga start berildi.

"Navbahor" jamoasi Ar-Riyodda "Al Hilol" mehmoni bo'ldi va sensacion natija bilan ortga qaytmoqda.

Al Hilal

Ali Al-Bulayhi - 90'

AFC Champions League Grp. D . 1-tur

19/09/2023, 00:00

Tugadi

Navbahor Namangan

Toma Tabatadze - 52'

45'

90'

Match-senterda ochish

Neymar boshchiligidagi yulduzlar

Osiyoning eng kuchli jamoalaridan biri "Al Hilol" ushbu bellashuvda Neymar, Aleksandr Mitrovich, Ruben Nevesh, Malkom va Mikael kabi yulduz legionerlar xizmatidan foydalandi. Yassin Bunu, Kalidu Kulibali, Sergey Milinkovich-Savich kabilar qaydnomadan ham o'rin olmadi.

"Transfermarkt" portali malumotlariga ko'ra "Navbahor" jamoasi butun tarkibi narxi 10.39 mln evro turadi. Raqib esa namanganliklarning butun tarkibidan qimmatroq qator futbolchilarni olib keldi. "Al Hilol"ning butun tarkibi esa 258.4 mln evroga baholangan yuqoridagi portalda. Yani, Samvel Babayan shogirdlari o'zlaridan deyarli 25 barobar qimmat jamoadan safarda ochko olishdi. Bo'lib ham "Hilol" yozda olib kelingan o'yinchilarga 350 mln evrodan ko'proq pul sarflagan.

Tartibli va jangovar o'yin, to'g'ri taktika

Babayan o'yinga to'g'ri taktika tanlay oldi va futbolchilarni to'g'ri tayyorlay oldi. Uchrashuv boshidan "lochinlar" raqibdan cho'chib emas, aksincha keskin o'ynay boshlashdi. Futbolchilarning barchasi jangovar kayfiyatda maydonga tushib kelishganini ketma-ket epizodlarda ko'rsatib turishdi. "Navbahor"ning har bir o'yinchisi olqishga loyiq. Golban, Ivanovich, Milovich va Yo'ldoshev himoyada qoyadek turib berishdi. Oston O'runov Jokich yo'g'ida tayanch zonada hukmronlik o'rnatdi. Abror Ismoilov qanday zo'r o'yin o'tkazdi, Toma Tabatadze juda katta ishni bajardi maydonda.

"Al Hilol" ko'proq muomala qildi va ancha ko'p hujum qildi. Lekin, Osiyoda "Hilol"ga qarshi safarda ulardan ko'proq hujum qila oladigan birorta jamoani ko'rsata olasizmi? Bu qitamizning eng kuchli jamoalaridan biri. Ularning Saudiya chempionati doirasidagi "Al Ittihod" bilan bellashuvini ko'rgandim. O'yin tempi APL uchrashuvlari bilan teng edi. Ar-Riyodda Osiyoning istalgan jamoasi "Al Hilol" mehmoni bo'lsa mezbonlar yaqqol favorit bo'lib qolaverishadi.

"Navbahor" futbolchilarining "issiq" xaritasi.

To'g'ri "nastroy" va qati tartibli o'yin bilan har qanday yulduzli jamoa bilan ham bemalol o'ynay olish mumkinligini kecha "Navbahor" ko'rsatib berdi. Bunday kuchli raqib maydonidagi 1 ochko guruh bosqichi yakunida oltinga teng bo'lishi mumkin. Bu bilan namanganliklar guruhdan chiqish uchun jiddiy kirishishganini elon qilishdi. Babayan o'yindan keyingi matbuot anjumanida bizni hujum qilishimizni Namangandagi o'yinda ko'rasiz dedi. Saudiyaliklar "Navbahor"dan Riyodda ochiq va hujumkor o'yin kutishganmikin? "Navbahor" o'ziga kerakli o'yinni ko'rsatdi va kerakli natijani qayd etdi.

Bellashuvdan keyin "Al Hilol" bosh murabbiyi Jorje Jezus bosh hakamga keskin etiroz bildiribdi, "Navbahor"ga ham. Kechagi bahsda bosh hakamning eng katta xatosi "Al Hilol" foydasiga bo'ldi, Jezus esa hakamdan nolib yuribdi. Abror Ismoilovga to'pni ataylab tepgani uchun Neymar to'g'ridan-to'g'ri qizil kartochka olishi shart edi. Hakam Neymar bo'lgani uchun ham qizil berishga haddi sig'madi, menimcha. Namanganliklar o'yinni ko'p cho'zishdi degan gapiga kelsak, bosh hakam 14 daqiqa qo'shib berdi va bu keragidan ham ortiqcha vaqt edi.

Neymar esa kechagi uchrashuvda faqat choy damlaydigan jin bo'lib qoldi. Buning uchun Golban va boshqa himoyachilarga tasanno!

Ana endi "Al Hilol" Namangandagi o'yinga eng kuchli tarkibi bilan keladi, "Navbahor" ularni bunga majbur qila oldi. Neymar kechagi qiliqlari uchun Namanganda javob beradi hali) Ungacha "Navbahor"ga ham, OCHLdagi qolgan klublarimizga ham omad va g'alabalar tilab qolamiz!