"Navbahor": Yoshlarimizda ham mag'lubiyat

Yozyovondagi o'yinni ancha keskin va qiziqarli kechganligini aytib o'tish joiz. Natijada darvozalarga beshta to'p kiritildi. Maydon egalari hisobni ochishga erishgan bo'lsalarda keyinchalik Sardor Telyakov (penaltidan) va Ibrohim Abdullaevlarning gollari tufayli yoshlarimiz oldinga chiqib olishdi. Uchrashuvning yakuniy qismida hujumkorlikni oshirgan mezbonlar ikki bor muvaffaqiyat qozonib, g'alabani ilib ketishdi. Etiborli jihati Yozyovon lochinlari futbolchilari g'alabani taminlovchi gollarni son jihatidan ustunlikka ega bo'lgan holda kiritishdi. CHunki, Abdulaziz Yusupov maydondan chetlatilgach, Lyan shogirdlari kamchilikda qolishgandi.

Uchrashuvda yoshlarimizning tarkibi quyidagicha ko'rinishga ega bo'ldi: Amir Ergashev, Sanjar Toshpo'latov, Hojiakbar Yunusov, Aziz Umarov, Farruh Umaraliev, Azim Nematillaev, Sardor Telyakov, Xusan G'aniev, Ibrohim Ismalov, Ibrohim Abdullaev, Muhriddin Inamov.
Zaxiradan maydonga tushganlar: Ilhom Malikov, Iskandar Siddiqjanov, Akram Gullabaev, Abdulaziz Yusupov, Dilmurod Malikov, Akbar Xoldorov, Elyor Erkinov, Doston Hotamov.