"Navbahor": Yoshlarimiz “O'zTongXongKo”ga yutqazishdi
17 fev 2017 17:33
Yangiliklar
![](https://championat.asia/upload/storage/240761_original.jpg)
![](/upload/storage/240761_220.jpg)
"Navbahor": Yoshlarimiz “O'zTongXongKo”ga yutqazishdi
Turnirda qatnashayotgan "Navbahor" yoshlari ikkinchi uchrashuvni Andijonning “O'zTongXongKo” jamoasiga qarshi o'tkazib, 1:2 hisobida imkoniyatni boy berishdi. Faoliyati davomida oliy va birinchi ligada to'p surgan futbolchilardan tashkil topgan jamoaga qarshi bahsni yoshlar munosib tarzda o'tkazishga harakat qilishdi. Birinchi bo'limda hisob ochilmagan bo'lsa, tanaffusdan keyin yosh “navbahor”chilar G'olibbek Karimovning olis masofadan yo'llagan zarbasidan so'ng hisobni ochishgandi. Lekin, g'alabani saqlab qolish nasib etmadi. Andijonliklar g'alaba gollarini o'yinning so'nggi daqiqalarida nishonlashdi.
Uchrashuvni "Navbahor" yoshlari quyidagi tarkibda o'tkazishdi: Mirzohid Mamatxanov, Ibrohim Ismoilov, Iskandar Siddiqjanov, Hojiakbar Yunusov, G'olibbek Karimov SHohruhbek Ahmadaliev (Ayubxon Jo'raev), Abbos G'ulomov, Ahmad Mamadaliev, Omonullo Mirzaev (Islom Abduqodirov, Abdulqodir Sobirov), SHodiyor SHarofiddinov (Ismoil Abduraimov), Ilhom Aliboev (Abdulaziz Jalilov).
"Navbahor" “A” guruhida ikkita o'yinda bir ochko jamg'arishga erishishdi. So'nggi tur o'yini esa 19 fevral kuni Andijonning “O'zDongJu” jamoasiga qarshi o'tkaziladi.
O’xshash yangiliklar
![AMP Logo](https://championat.asia/image/logo-amp.png)
Fikrlar