"Navbahor": Yoshlarimiz "Neftchi" bilan durang o'ynashdi

Farg'onaliklar bilan o'tgan o'yinda futbolchilarimiz ijobiy natija sari harakat qilishdi. O'z navbatida “Neftchi” vakillari ham faqat g'alabani ko'zlagan holda to'p surishdi. Ammo, yakunda uch ochkoni qo'lga kiritish hech bir jamoaga nasib etmadi. Har ikki jamoa futbolchilarida gol urish uchun bir qator imkoniyatlar bo'lsada, vaziyatlarni golga aylantirish hech kimga nasib etmadi va bahs 0:0 hisobidagi durang bilan yakun topdi. “Neftchi” bilan o'tgan o'yinda jamoamiz tarkibida hujumchi Abdumalik Abdullaevni ham to'p surganligini aytib o'tish joiz.

Uchrashuvni yoshlarimiz quyidagi tarkibda o'tkazishdi: Mirzohid Mamatxonov, Iskandar Sidiqjanov, SHahzod Hamidov, Javohir Olimjonov, G'olibbek Karimov, SHohruhmirzo Ahmadaliev, Abbos G'ulomov, Akbarali Xoldorov (Muzaffar Abdullaev), Ahmad Mamadaliev (Ilhom Aliboev), Islom Abduqodirov (Bobir Tillaboev), Abdumalik Abdullaev (Ibrohim Ismoilov).

SHu tariqa “A” guruhida qatnashgan yoshlarimiz 4 ochko jamg'argan holda guruhda uchinchi o'rinni band etishdi. Guruh g'olibligini Farg'onaning yana bir jamoasi “Istiqlol” 7 ochko bilan qo'lga kiritgan bo'lsa “Neftchi” klubining birinchi tarkibi besh ochko bilan ikkinchi pog'onada qayd etildi. So'nggi o'rinni esa ochko to'play olmagan Andijonning “O'zDongJu” jamoasi band etdi. Guruhda qayd etilgan Qirg'izistonning “Oloy” jamoasi musobaqada qatnashmaganligi sababli O'sh jamoasiga qarshi o'yin o'tkazilmadi.