"Navbahor": Yoshlarimiz birinchi yig'inni yakunlashdi

Xabaringiz bo'lsa, dekabr oyining ikkinchi o'n kunligida jamoaga iqtidorli futbolchilarni tanlab olish maqsadida tanlov turniri o'tkazilgandi. Mazkur musobaqada ishtirok etgan bir guruh o'smirlar ham mashg'ulotlarda bir necha kun davomida qatnashishdi.

Umumiy hisobda yoshlarimizning dastlabki kungi mashg'ulotlarida 60 nafarga yaqin bolalar shug'ullanishdi. O'tkazilgan nazorat o'yinlari orqali esa iqtidorlilar saralandi. Dastlabki bahs yakuniga ko'ra bir qator yoshlarga javob berilgandi. Dastlabki yig'in so'nggida tashkil etilgan uchrashuvdan so'ng esa tarkibda 26 nafar futbolchi saralab olindi. Yakuniga etgan mavsumda o'zlarini ko'rsatgan etti nafar yoshlarimizni asosiy tarkibga jalb qilinganidan xabaringiz bor. Dastlabki yig'indan keyin  Azizbek Turg'unboevni ham "asosiy"da sinovdan o'tkazish ko'zda tutilmoqda.

Agarda yoshlar qishki tayyorgarlik davrida o'zlaridan yaxshi taassurot qoldirishni uddasidan chiqishsa asosiy tarkibdan joy olish imkoniga ega bo'lishadi. Yoshlarimizning mashg'ulotlariga Ahmadjon Xolmirzaevni boshchilik qilganligini aytib o'tish joiz. Tohir Madrahimov esa dekabr oyida Toshkentda "A" licenziyasi uchun tashkil etilgan o'quv kursida tahsil oldi.

Dastlabki yig'inda futbolchilarning jismoniy holatini yaxshilashga qaratilgan mashqlar bajarilgan bo'lsa kelasi yilning 5 yanvarida boshlanadigan mashg'ulotlarda o'yin amaliyotini shakllantirish va to'p bilan ko'proq muomalada bo'lishga etibor qaratiladi.