"Navbahor": Tayyorgarlik davom etmoqda

Har kuni ikki maxaldan mashg'ulotlar o'tkazilmoqda. Olimpiya terma jamoasi bugundan yig'inlarni boshlagani bois jamoamiz bosh murabbiyi Baxtiyor Ashurmatov hozirda Toshkentda. Mashg'ulot jarayonini esa Islom Ahmedov, Zoxid Nurmatov hamda Mustafo Bayramovlar olib borishmoqda. Bugungi mashg'ulotda futbolchilar dastlab to'p bilan muomila qilish, hujum uyushtirish va himoyalanish bo'yicha mashq o'tkazishdi. So'ngra tarkib ikkiga bo'lingan holda o'zaro kuch sinashdi. "Qizillar" va "sariqlar" o'rtasidagi bellashuv durang natija (2:2) bilan yakun topdi. Sariq ekipirovkali jamoa gollariga A. Turg'unboev va O. Valijonov (pen.) mualliflik qilgan bo'lishsa, "qizillar"dan S. SHixov dubl bilan javob qaytardi. Jamoalar tarkibi quyidagicha ko'rinishga ega bo'ldi:

"Qizillar": Aleksandr Melenchuk, Bobir Akbarov, Yuriy Rijko, Rahmatullo Berdimurodov, Alisher Samatov, Dilshod Jabborov, Sergey Georgiev, Azim Ahmedov, Sanat SHixov, Mo'ydin Mamazulunov, Ulug'bek Baqoev.

"Sariqlar": Xurshid Xo'jaev, Omon-Biik Halilov, Timur Kagirov, Botir To'raboev (Sardor Telyakov), Tohir SHamsitdinov, Otabek Valijonov, Hojiakbar Yunusov, Ilhom Boydedaev, Muhammad Rasulov, Sunnatilla Mamadaliev, Alisher Mahmudov, Aziz Turg'unboev. Kichik jaroxati bor yarim himoyachilar G'ayrat Jo'raev hamda Azamat Bobojonovlar esa yakka tartibda shug'ullanishdi. Mashg'ulot paytida himoyachi Botir To'raboevning ham oyog'i biroz shikastlanganini etirof etish lozim. Mashg'ulotdan olingan fotosuratlarni birozdan so'ng saytga joylanadi.