"Navbahor" - "So'g'diyona" uchrashuvi raqamlarda

1- “Navbahor” mavsumdagi birinchi ochkosini qo'lga kiritdi. Etiborlisi, o'tgan yilda ham “lochinlar” chempionatning dastlabki uchta o'yinidan so'ng bir ochko jamg'arishgandi. Uchrashuv bosh hakami Hasan Ro'ziev bu yil o'z cho'ntagidan ilk marotaba qizil kartochkani oldi. Darvozabonimiz Akmal Ortiqov birinchi bor bu yilgi chempionatda “quruq” o'yin o'tkazdi.

2- Uchrashuv bosh hakami Hasan Ro'ziev uchun ushbu bahs amaldagi mavsumda Oliy liga doirasida boshqargan ikkinchi o'yiniga aylandi.

3- “So'g'diyona” bilan Namanganda o'tkazilgan o'zaro uchrashuvlar tarixida uchinchi marotaba 0:0 hisobida kuzatildi. Ushbu o'yindan so'ng joriy mavsumda to'liq o'tkazilgan uchta o'yinda to'liq 90 daqiqa harakat qilgan o'yinchilar uchta qoldi (H. Karimov, A. Ortiqov va D. Jabborov).

4- O'zbekiston chempionatida hozirgacha o'z maydonida to'rt jamoa raqibi bilan durangga imzo chekdi. “Obod”, “Bunyodkor” va “Buxoro” safiga “Navbahor” ham qo'shildi. Eng qizig'i, ushbu to'rtta  jamoalarning barchasi o'z maydonida raqiblari bilan 0:0 hisobida o'yinni yakunlashgan.  

5- Jizzaxliklar bilan bizning maydonda kechgan to'qnashuvlarda beshinchi bor durang qayd etildi.

6- “So'g'diyona” bilan o'zaro qarama-qarshiliklar tarixida oltinchi bor kuchlar teng keldi. Namanganda besh, Jizzaxda bir marotaba tomonlar murosa yo'lini tanlashgan.

7- Ushbu o'yindan so'ng sariq kartochkasi bor futbolchilarimiz soni ettitaga etdi. Etti yillik tanaffusdan so'ng “So'g'diyona” Namangandan ochko olib qaytdi. “So'g'diyona” va “Navbahor” Oliy liga ushbu mavsumida g'alaba qozona olmagan jamoalar etti jamoalar qatorida turibdi.

8- Uchta turdan so'ng barcha o'yinlarda qatnashgan futbolchilarimiz soni sakkiztani tashkil etmoqda.