"Navbahor" "So'g'diyona" bilan uchrashuvga kirish tekin ekanligini elon qildi

"Yurtimizda muqaddas Ramazon oyi davom etayotgan shu kunlarda Namangan viloyati hokimi, viloyat futbol associaciyasi prezidenti SHavkat SHokirjanovich Abdurazzoqovning tashabbusi bilan "Navbahor" jamoasining ko'p ming sonli muxlislarining fidoyiliklariga hurmat tariqasida, qolaversa, qutlug' Ramazon oyi sovg'asi sifatida 1 aprel kuni bo'lib o'tadigan Coca Cola Superligasi 4-turidan o'rin olgan "Navbahor" – "So'g'diyona" uchrashuviga kirish BEPUL qilib belgilandi.

Bu ham, albatta, futbol muxlislari auditoriyasini kengaytirish, stadionga tomoshabinlarni jalb qilish yo'lida amalga oshirilayotgan keng ko'lamli ishlarning uzviy davomidir.

SHu munosabat bilan muxlislarga 1 aprel kungi uchrashuvda Namangan shahri, Davlatobod tumanidagi "Markaziy" o'yingohiga bepul tashrif buyurib, stadiondagi CIP sektordan tashqari, boshqa barcha sektorlarga joylashishlari mumkinligini malum qilamiz. 

Stadionga tashrif buyuruvchilardan jamoat tartibi va muxlislik madaniyatiga qatiy rioya qilishlari, xususan, huquq-tartibot organlari xodimlari, atrofdagi boshqa tomoshabinlar va futbol uchrashuvi rasmiylariga nisbatan hurmat saqlashlari lozimligini eslatib o'tamiz", – deyiladi klub matbuot xizmati xabarida.

Malumot uchun, "Navbahor" – "So'g'diyona" uchrashuvi 1 aprel kuni soat 18:00 da boshlanadi.