"Navbahor": SHixov va Mamadaliev bilan shartnoma tuzildi

O'tgan mavsumni “Dinamo”da o'tkazgan Sanat SHixov, Azamat Bobojonov va “Metallurg” klubi sharafini himoya qilib kelgan Sunnatilla Mamadalievlar bilan bugun shartnoma imzolandi. Moldovalik hujumchi Vadim CHemirtan esa murabbiylarda iliq taassurot qoldirmadi. SHu sababli CHemirtanga javob berishga qaror qilindi.

Rejaga ko'ra futbolchilarimiz bugun, “Buxoro”ga qarshi navbatdagi nazorat o'yinida maydonga tushishdi. Buxoroliklarga qarshi bahsda murabbiylarimiz asosan bir kun oldin o'tkazilgan uchrashuvda ishtirok etmagan o'yinchilarga imkon berishdi. 90 daqiqalik bahs davomida jamoamizning kichik ustunligi ko'zga tashlandi. Gol urish uchun bir qator imkoniyatlar ham yuzaga keltirilgan bo'lsada, yakunda hisob ochilmadi. Uchrashuvda jamoamiz tarkibi qo'yidagicha bo'ldi: Doniyor Usmonov (Doston To'xtaboev), Bobir Akbarov, Omon-Biik Halilov, Botir To'raboev, Azam Aliev (Rahmatillo Berdimurodov), Rahmatillo Meliboev (Dilshod Jabborov), Robbim Hasanov (Azamat Bobojonov), Sunnatilla Mamadaliev (Sardor Telyakov), Muhammad Rasulov, Ilhom Boydedaev (G'ayrat Jo'raev), Otabek Valijonov (SHaxboz Erkinov).

Jamoamiz ertaga PFL kubogi guruh bosqichidagi so'nggi uchrashuvda “Lokomotiv”ga qarshi maydonga tushadi. 15 fevral sanasida esa futbolchilarimiz navbatdagi yig'indagi so'nggi o'yinda ishtirok etishadi. Navbatdagi nazorat uchrashuvida Samarqandning “Dinamo” klubi bilan kuch sinashiladi.