"Navbahor": "Nasaf"ga qarshi o'yinda oltita yo'qotish

22- turda Alisher Samatov, Sanat SHixov, Dilshod Jabborov va hujumchimiz SHahboz Erkinovlar sariq kartochkalari soni to'rttaga etganiligi bois "Nasaf"ga qarshi o'yinni qoldirib yuborishga majbur bo'lishadi. Murabbiylar shtabi shuningdek "Paxtakor" bilan kechgan bellashuvda qo'li singan markaziy himoyachimiz Qahramon Mahammadjonov hizmatidan ham foydalana olishmaydi. Qo'li uch eridan singan futbolchimiz operaciyadan muvaffaqiyatli o'tganini ham qo'shimcha qilish joiz. Bundan tashqari, markaziy yarim himoyachimiz Azim Ahmedov ham betoblisi bois ayni payt "lochinlar" bilan birga emas. SHuning uchun Ahmedov ham Qarshiga yo'l olmagan.