"Navbahor": "Maxtaorol" mag'lub etildi

O'yin davomida ustunlikka erishgan futbolchilarimiz yakunda 3:1 hisobidagi g'alabani qo'lga kiritishdi. Uchrashuvning birinchi bo'limida Nemanya Yovanovich va Mansur Saidovlar chiroyli kombinaciya tashkil etishgach, serbiyalik hujumchimiz hisobni ochishga erishdi. Bo'lim o'rtalarida Oybek Qilichev qizil kartochka olib maydonni tark etgach, tomonlar kelishuviga ko'ra yarim himoyachi o'rniga Azizbek Turg'unboev maydonga tushdi. Tanaffusga oz vaqt qolganida “Maxtaorol” futbolchilari o'rtadagi muvozanatni tiklashga erishishdi.

Ikkinchi bo'limda futbolchilarimiz gol urish uchun bir qator xavfli hujumlarni tashkil etishdi. Urinishlar o'yin oxirida o'z samarasini berib, zaxiradan maydonga tushgan Ro'zimboy Ahmedov “dubl” qayd etdi. Dastlab Ahmedov Abdulaziz Sultanov oshirib bergan to'pni darvozaga aniq yo'llagan bo'lsa, ikkinchi golini esa penaltidan amalga oshirdi. 11 metrlik jarima zarbasini Azizbek Turg'unboev ishlagandi.

Uchrashuvni "Navbahor" quyidagi tarkibda o'tkazdi: Akmal Ortiqov, Abbos Otaxonov, Jahongir Mehmonov, Tohir SHamsitdinov, Alisher Samatov, Azam Aliev, Dilshod Jabborov, Oybek Qilichev, Mirzohid G'ofurov, Mansur Saidov, Nemanya Yovanovich.

Zaxiradan maydonga tushganlar: Nodir Ashurmatov, Azizbek Turg'unboev, Ro'zimboy Ahmedov, Hasanboy Ergashev, Timur Tolipov, Abdulaziz Sultanov, Ilhom Boydedaev, Alisher Mirzaev.

Bu safargi o'yinda ham G'iyos Komilov kichik jarohat tufayli maydonga tusha olmagan bo'lsa darvozabon Asilbek Omonovga murabbiylar dam berishga qaror qilishdi. “Navbahor” navbatdagi nazorat o'yinini 9 fevral kuni Jizzaxning “So'g'diyona” klubiga qarshi o'tkazadi.