"Navbahor": “Mashal”ga imkoniyatni boy berdik

O'yin davomida qor kuchli tarzda yoqqan bo'lsada, tomonlar ikkinchi marotaba uchrashuvni keyinroq muddatga qoldirishni lozim topishmadi. Yodingizda bo'lsa 2 fevralga rejalashtirilgan bahs aynan ob-havoning noqulayliklari sababli qoldirilgandi. Uchrashuvning birinchi bo'limida Mo'ydin Mamazulunov tomonidan kiritilgan ikki gol muborakliklarning 2:0 hisobidagi g'alabasini taminladi.

Uchrashuvni "Navbahor" quyidagi tarkibda o'tkazdi: Xurshid Xo'jaev, Mahsud Hayitov, Azizbek G'ulomxo'jaev, Timur Yafarov, Robbim Hasanov, Azim Ahmedov, Orif Mamadjanov, Sobir Hamidov, Ilhom Boydedaev, Alisher SHog'ulomov, Elyor Jahonov.
Zaxiradan maydonga tushganlar: Azam Aliev, Rahmatullo Berdimurodov, Botir To'raboev, Otabek Valijonov, Alisher Mahmudov, Abdumalik Abdullaev, Durbek Umaraliev.

Jamoamiz 10 fevral kuni Zarafshonning “Qizilqum” klubiga qarshi nazorat o'yini o'tkazish borasida kelishuvga erishgan. Agarda ob-havo noqulayliklari yuzaga kelmaydigan bo'lsa o'yin belgilangan muddatda o'tkaziladi. SHundan so'ng futbolchilarimiz yangi haftada start oladigan PFL kubogidagi ishtiroklarini boshlashadi.