"Navbahor" ikkinchi davradan oldin yangilarni ro'yxatdan o'tkazdi

Yig'inlar davomida ishtirok etgan quyidagi futbolchilar mavsum ikkinchi qismini "Navbahor" safida o'tkazishadi. Darvozabon Akmal Ortiqov 87-raqam, himoyachilar Botir To'raboev 3-raqam, Qahramon Mahammadjonov 26-raqam, Tohir SHamsitdinov 33-raqam, yarim himoyachilar G'ayrat Jo'raev 23-raqam, Alibobo Rahmatullaev 70-raqam va hujumchi Davron Isoqov esa 18-raqam ostida harakat qiladigan bo'lishdi.

SHuningdek, yoshlar tarkibiga Bilol SHarofiddinov va "Mashal"dan kelgan SHohjahon Abbosovlarni ham ro'yxatdan o'tkazish uchun PFLga tegishli xujjatlar topshirildi. Lekin, SHarofiddinov tibbiy ko'rik bilan bog'liq muammoga duch kelganligi bois unga jamoa safida o'ynashga keyinroq ruxsat beriladi.

Asli to'raqo'rg'onlik bo'lgan Abbosovning xujjatlarni "Mashal" taqdim etgani yo'q. Yani muborakliklar futbolchini shunchaki quyib yubormaslik uchun ijara asosida jamoamizga o'tishini ko'zlashmoqda. Murabbiylarimiz esa Abbosovni ijaraga olishni istashmayapti.