"Navbahor": Ashurmatov istefoga chiqarildi, Rashid G'ofurov bosh murabbiy etib tayinlandi

Namangan viloyat hokimining 29 dekabrdagi farmoyishiga asosan klub prezidenti sifatida faoliyat olib borgan T.Dadabaev, vice-prezident vazifasini bajargan R.Nizambaev va jamoa bosh murabbiyi B.Ashurmatovlar o'z vazifalaridan ozod etilishdi. Klub prezidenti vazifasi Namangan shahar hokimi B.Bekxodjaev zimmasiga yuklatilgan bo'lsa vice-prezidentlik vazifasini O.Qosimov bajaradigan bo'ldi. Jamoa boshqaruvi esa R.G'ofurov zimmasiga yuklatildi.

Yig'ilishda klub xodimlari, murabbiylar, xizmat qiluvchi xodimlar va asosiy va yoshlar tarkibi futbolchilariga klubda faoliyat olib boradigan yangi rahbariyat tarkibi tanishtirildi. SHu bilan birgalikda, 2016 yilning 2 yanvar sanasida jamoa azolari bilan viloyat hokimi bilan uchrashuv bo'lib o'tishi ham malum qilindi. Tadbir davomida kelgusida jamoa asosini mahalliy futbolchilardan tashkil etishga etibor qaratilishi ham etirof etildi. “Navbahor” jamoasi yangi mavsumga tayyorgarlikning 2016 yilning 4 yanvaridan boshlaydi. Rashid G'ofurov boshchiligidagi murabbiylar shtabi esa keyinroq tasdiqlanadi.