"Navbahor": Akbar Sattaev ro'yxatdan o'tkazildi

Davralar oralig'ida jamoamiz avvaliga olti nafar futbolchini ro'yxatdan o'tkazgandi. Transfer darchasi yopilgunga qadar murabbiylar shtabi safga yana bir futbolchini qo'shib olishni maqsad qilishgandi.

Bu borada asosiy nomzod sifatida Qahramon Mahammadjonov etirof etilayotgandi. Huquqiy jihatdan “Navbahor”ga tegishli bo'lgan Qahramon mavsum boshida muntazam ravishda o'yin amaliyotiga ega bo'lish maqsadida, G'uzorning “SHo'rtan” jamoasi safiga ijara asosida borib qo'shilgandi. Po'latov “Bunyodkor”ga qaytgan murabbiylar markaziy himoyadagi raqobatni oshirish maqsadida Mahammadjonovni jamoaga qaytarishni ko'zlashgandi. Biroq, futbolchi mavsumni “SHo'rtan”da yakunlashini malum qilib, rahbariyatdan ruxsat oldi. Qolaversa, oliy ligaga chiqish uchun jiddiy tarzda kurashayotgan g'uzorliklar ham himoyachi bilan xayrlashishni istashmadi.

Yoshlar birinchiligidan o'rin olgan “Navbahor” – “Buxoro” jamoalari o'rtasidagi uchrashuvni tomosha qilgan futbolchi yilni “SHo'rtan”dan yakunlashga qaror qilganligini aytib, mavsum yakuniga etgach jamoaga qaytishini bildirdi. Mahammadjonov “SHo'rtan”da qolishga qaror qilganligi bois murabbiylar shtabi rahbariyat bilan kelishgan holda transfer darchasining so'nggi kunida “Guliston”dan jalb etilgan himoyachi Akbar Sattaevni ro'yxatdan o'tkazishga qaror qilishdi. SHu tariqa Sattaev ikkinchi davrada “Navbahor” sharafini himoya qiladigan bo'ldi.