"Nasaf" Turkiyada yig'in o'tkazadi

Uchrashuvda to'liq “Nasaf” futbolchilarining ustunligi ostida o'tdi. Uchrashuvning 10-daqiqasida hisob ochildi. SHomurodov tezlik bilan raqib jarima maydonchasiga yorib kirdi va to'pni chap qanotda qulay vaziyatda turgan sherigi SHohruh Gadoevga uzatdi. Istedodli yarim himoyachi bo'sh qolgan darvozani qiyinchiliksiz ishg'ol etdi. Birinchi bo'lim o'rtalariga kelib qo'qonlik futbolchilar 11-metrlik jarima to'pidan muvozanatni tiklashdi.

Ikkinchi bo'limda “Nasaf” ustozi asosan yosh futbolchilarni maydonga tushirib, ularning imkoniyatlarini yana bir bor sinovdan o'tkazdi. Ayniqsa, “Nasaf” futbol maktabi tarbiyalanuvchisi 16 yoshli Xudoyberdi Holiqovning tezkor harakatlari raqibni yig'ilganlarda yaxshi taassurot qoldirdi. Aynan u faolligi evaziga ikkinchi 45 daqiqalikda raqib darvozasini ishg'ol etishning uddasidan chiqdi.

Ushbu uchrashuvda “Nasaf” futbolchilari quydagi tarkibda harakat qilishdi: O'tkir Yusupov, Botir Qoraev, Hamza Karimov, Maqsud Karimov, Aziz G'aniev, Erkin Boydullaev, Ilhom Yunusov, Bahrom Abdurahimov, SHohruh Gadoev, Ilhom SHomurodov, Oleksandr Kablash.

Ikkinchi bo'limda maydonga tushganlar: Mixail Naumov, Akram Bahriddinov, Doniyor Narzullaev,  SHarof Muhiddinov, Xudoyberdi Holiqov.

Ushbu uchrashuvdan keyin “Nasaf” futbolchilari uch kunlik tatilga chiqishdi. 22 yanvar kuni futbolchilarimiz uch haftalik o'quv-yig'in mashg'ulotlarini o'tkazish uchun Turkiyaning Antaliya shahriga jo'nab ketishadi.