"Nasaf" OCHLdagi axborot hamkorlik uchun "Championat.asia"ni taqdirladi

Qarshidagi "Markaziy" stadionida loyiha rahbari Nodirxo'ja Yuldashev va klub bosh menejeri SHamil Yarulin o'rtasida bo'lib o'tgan uchrashuv chog'ida, hududda OAVga bo'lgan munosabatni oshirish, Qashqadaryo viloyati sharafini himoya qilayotgan klublar, "Nasaf", "SHo'rtan" va "Mashal" jamoalarga etiborni yanada oshirish borasida takliflar ko'rib chiqildi.

Undan tashqari, bolalar futboli borasida ayrim loyihalar o'rtasida hamkorlik qilish kelishib olindi. 

"Championat.asia" sayti OCHL o'yinlarini barchasini Qarshidan turib yoritganligi uchun klub o'z muzeyidagi billur sovrinni esdalik uchun taxririyatga sovg'a qildi.

O'z navbatida OCHL o'yinlarini yoritishimiz uchun sharoit yaratib berganligi uchun "Nasaf" matbuot kotibi Aziz Nuriy, fotomuxbir Sardor Nurov va marketing bo'limi boshlig'i Zahro Karimovaga saytimiz nomidan o'z minnatdorchiligimizni bildiramiz.