“Nasaf” – “Metallurg” uchrashuvi chiptalari sotuvda

Uchrashuv 15 may, juma kuni soat 19:00 da Qarshi shahridagi “Markaziy” stadionda boshlanadi.

Bugundan boshlab ushbu uchrashuv uchun chiqarilgan chiptalar sotuvga chiqariladi. SHu o'rinda muxlislarga eslatma: “Nasaf” jamoasi ishtirokida uy uchrashuvlariga chiqarilgan chiptalarni faqat stadion yaqinida joylashgan chiptaxonalaradan sotib olishlarini so'rardik. Sababi jamoamizning bundan avval Qarshida o'tgan uchrashuvi (“Nasaf” – “Al Ahli”)da ayrim fuqarolar tomonidan soxta chiptalar, tayyorlanib sotuvga chiqarilgan. Ushbu fuqarolarga huquqni muhofaza qiluvchi organlar tomonidan belgilangan tartibda mamuriy jazo qo'llanildi.

Ayni paytda o'yingoh hududida joylashgan chiptaxonlarda ertangi uchrashuv uchun chiptalar sotuvda. CHipta narxi 15000 (S.I.P), 6000  (sharqiy va g'arbiy minbarda joylashgan sektorlar uchun) va 3000 (shimoliy va janubiy minbarlarda joylashgan sektorlar uchun) so'm qilib belgilangan.