"Nasaf": Finalga tayyorgarlik davom etmoqda

Bugun jamoamiz kechki soat 17:00da klub qarorgohidagi maydonda o'zining navbatdagi mashg'ulotini o'tkazdi. Mashg'ulotlarda barcha futbolchilar ko'tarinki ruhda ishlashmoqda. Futbolchilarimiz jamoa tarixida yangi sahifa ochish uchun jiddiy mehnat qilishmoqda. "Nasaf" sardori Artur Gevorkyan esa kecha soat 20:00da terma jamoa lageridan klub ixtiyoriga qaytib keldi. Bugundan boshlab Gevorkyan ham umumiy guruh bilan mashg'ulotlarni davom ettiradi.

Eslatib o'tamiz, 17 oktyabr kuni "Nasaf" O'zbekiston kubogi finalida "Bunyodkor"ga qarshi maydonga tushadi.