“Nasaf” bugun to'liq tarkibda mashg'ulot o'tkazdi+foto

Bugun kunduzgi mashg'ulotni “Nasaf” futbolchilari uchrashuv o'tadigan “Markaziy” stadionda o'tkazishdi.

Milliy terma jamoa yig'inidan qaytib kelgan  Suyunov, Sayfiev, Muhammadiev va Gadoev ham bugungi mashg'ulotlarda to'liq kuch bilan ishlashdi. SHuningdek, Turkmaniston termasidan chaqiruv olgan va Eron termasiga qarshi o'yindan ishtirok etib qaytgan jamoamiz sardori Artur Gevorkyan ham bugungi mashg'ulotlarda astoydil ter to'kdi.

Quvonarli tomoni, “Bunyodkor”ga qarshi o'yindan ilgari kichik jarohat olib, malum muddat safdan chiqqan sloveniyalik himoyachimiz Rok Roy ham asosiy tarkib azolari bilan mashg'ulot o'tkazdi. Ikkinchi davrada safga qaytishi kutilayotgan hujumchimiz Azamat Allaniyazov esa jismoniy tayyorgarlik bo'yicha murabbiy Ilnur Sibagatulin bilan shug'ullandi.

Bugungi mashg'ulotlardan fotojamlanmani quyidagi manzil orqali tomosha qilishingiz mumkin.