“Nasaf” – “Andijon”: o'yindan keyingi fikrlar

Oleg Tyulkin, “Andijon” yordamchi murabbiyi:-“Nasaf”ni g'alaba bilan tabriklayman. Jamoamiz bugun yaxshi o'yin ko'rsatdi. Biz har ikkala bo'lim oxirida xushyorlikni yo'qotdik va jismoniy jihatdan ham mezbonlarning bosimiga dosh berolmadik. Umuman olganda, futbolchilar Gess ko'rsatmalarini imkon darajasida bajarishga harakat qilishdi. Futbolchilarimizga hech qanday etirozimiz yo'q. Biz o'yindan oldin himoyaviy taktiqa qo'llab, imkon boricha qarshi hujumlarda oldinga o'tishni rejalashtirgandik. CHunki “Nasaf”ga qarshi ochiq futbol namoyish etib bo'lmaydi. Buni hamma yaxshi biladi. Agar biz o'zimiz yaratgan ikkita vaziyatlarni golga aylantirgainmizda, o'yin mutlaqo boshqacha kechardi.

Ro'ziqul Berdiev, “Nasaf” ustozi: - Fursatdan foydalanib, bugungi bayram bilan barcha ustoz va murabbiylarni tabriklayman. O'yinga keladigan bo'lsak, ishonchli g'alabaga erishdik. Ammo bu o'yinda bizga oson bo'lmadi. Andijonliklar ham qarshi hujumlarda ikki marta gol kiritish uchun yaxshi imkoniyatga ega bo'lishdi. Bugungi g'alabaga yigitlarimizning tajribasi va o'z kuchiga bo'lgan ishonchi tufayli o'z maqsadimizga erishdik va yirik g'alabani qo'lga kiritdik.