"Napoli" safarda "Sassuolo"ga qarshi, SHomurodov "Yuventus" darvozasiga gol ura oladimi - A Seriya 23-tur prevyusi

Bugun sizlar bilan 23-turning etiborga loyiq to'qnashuvlari va ulardan nimalar kutish mumkinligi haqida gaplashamiz.

"Sassuolo" - "Napoli"

Konsilya jarohatidan to'liq tuzaldi va jamoasiga yordam bera oladi. Tolyan va Myulderning esa ushbu bahsda ishtirok etishi so'roq ostida qolmoqda. Hujumda esa Dionizi katta ehtimol Lorent-Defrel juftligiga ishonch bildiradi. Pinamonti o'yinni zaxira o'rindig'ida boshlaydi. 

Jarohat olgan Raspadorining ishtiroki so'roq ostida. Umuman olganda "Napoli" CHempionlar Ligasi o'yinini yodda tutgan holda harakat qiladi. SHunday ekan etakchilardan kimdirga dam berilishi mumkin. Asosiy tarkibda Demme, Elmas yoki Politanoni ko'rsak ajab emas.

Birinchi davra bahsida "Napoli" "Sassuolo"ni yirik 4-0 hisobida taslim etgandi. Bu safar ham chempionat etakchisi favorit, ammo neapolliklarga oson bo'lmasligi aniq. Muxlislar bosimi bo'lishi deyarli aniq. Nazarimizda, murosasiz kurashlar va gollarni kutsak arziydi. "Sassuolo" oxirgi vaqtlarda yana o'ziga kela boshladi va hech kim to'xtata olmayotgan "Napoli"ni to'xtatishni istashi aniq.

"Monca" - "Milan"

Himoyachi Vinyato jarohat sabab maydonga tusha olmasligi aniq. SHuningdek, Sensi va Kaldirolaning ham jamoasiga yordam bera olishi so'roq ostida. Hujumda esa Palladino "Milan" tarbiyalanuvchisi Petanyaga ishonch bildiradi. 

"Milan" lazareti hamon o'yinchilar bilan to'lgan, Benasser hali ham safga qaytmagan. SHunday ekan markazni Krunich va Tonalli egallaydi. Balki zaxiradan Zlatan Ibragimovich o'yinga qo'shilar. Yosh De Kattelare esa ilk daqiqalardan jangga tashlanishi mumkin.

"Milan" birinchi davrada "Monca"ni ancha oson (4-1) mag'lub etgan. Hozirgi holatida ham milanliklar favorit. SHunday bo'lsada, CHempionlar Ligasi pley-off bahsi tasir qilishi mumkin, qo'shimchasiga "Monca" ham oxirgi uchrashuvlarda ochkolar uchun astoydil kurashmoqda. SHunday ekan "rossoneri" g'alabani istasa astoydil ter to'kishiga to'g'ri keladi.

"Inter" - "Udineze"

"Sampdoriya"ga qarshi uchrashuvdan keyin xulosalar chiqarilishi turgan gap. Bastoni, Dimarko, Brozovich va katta ehtimol Jeko asosiy tarkibga qaytariladi. Lukaku bu safar zaxirada qolsada, hali imkoniyatga ega bo'lishi aniq. "Inter" tarkibida Korreadan boshqa yo'qotish yo'q. SHu sababli Inzagi eksperimentlarga qo'l urishi mumkin. 

Sottilning baxtiga Pereyra sog'ayib, safga qaytdi. SHunday ekan faqatgina tizzasi bilan muammolarga duch kelgan Deulofeuning ushbu bahsdagi ishtiroki so'roq ostida qolmoqda. Ispaniyalik jamoaga yordam bera olmasa hujumda Betu-Saksess duetini ko'ramiz.

Birinchi davra bahsdia "Udineze" kutilmaganda 3-1 hisobida zafar quchgan. SHunday bo'lishiga qaramay, "Inter" bo'lajak bahs favoriti. Inzagi CHempionlar Ligasi o'yinini ham unutmasligi zarur, "biroq chempionatda ham ochkolar zarur. O'ylashimizcha, "Inter" qoqilmaydi va noqulay raqib bo'lsada, "Udineze"ni engadi.

"Speciya" - "Yuventus"

Mezbonlar uchun yaxshi yangilik: Ampadu va Kaldara safga qaytishdi, ammo Espozito qizil kartochka tufayli bu o'yinni o'tkazib yuboradi. Nzola hozircha davolanish bilan ovvora va "Speciya" hujumida SHomurodov hamda Gyassi tushishi kutilmoqda. Ularga esa orqaroqdan Agudello yordamlashadi. 

"Yuventus" asosiy tarkibiga grippdan qutilgan Kuadrado qaytishi kutilmoqda. Tunda Evropa Ligasi doirasidagi bahsda u zaxiradan tushirildi. Hujumda esa Allegri Keza-Vlaxovich juftligiga ishonch bildirsa kerak. Ancha oldin safga qaytishi taxmin qilingan Pogba hamon jarohatidan forig' bo'lmadi.

Oxirgi marta ushbu jamoalar ro'baro kelganida "Yuventus" ishonchli tarzda (2-0) g'alaba qozongandi. Bu uchrashuvda "keksa sinora" yana favorit. Klub oxirgi vaqtlarda ancha xursand qilyapti. "Yuventus" chempionat doirasidagi oxirgi uchta o'yinda gol o'tkazib yubormadi va "Speciya" turinliklarni ranjita olishi qiyin bo'ladi.

"Atalanta" - "Lechche"

Xateburning jarohati Gasperini uchun kutilmagan bosh og'riq bo'lishi turgan gap. Afsuski futbolchi uchun mavsum yakuniga etdi. SHuningdek, Pashalich va Muratore ham jarohatlangan. Diskvalifikaciyadan Melle va Muriel qaytadi, ammo De Ron va Skalvini shunday sabab bilan o'yinni o'tkazib yuboradi. 

Simone Baronening himoya borasida muammolari mavjud. Katta ehtimol bilan Askildson va Umtiti o'ynay olishmaydi. Biroq hujumda barchasi joyida Di Franchesko-Kolombo-Strefecca uchligi ajoyib sport formasida.

"Lechche" avvalgi bahsda 2-1 hisobida zafar quchgan bo'lsada, mutaxassislar bo'lajak bahs favoriti sifatida "Atalanta"ni ko'rishmoqda. Gasperini shogirdlari "Lacio"ga qarshi yaxshi o'yin o'tkazishdi, bu safar esa ilk daqiqalardan tashabbusni o'z qo'liga olib, masalani tezroq hal qilishga urinadi. "Lechche"ning himoyadagi muammolaridan kelib chiqsak, mehmonlarga oson bo'lmaydi. Hattoki yaxshi holatida ham uncha-muncha jamoa A Seriyaning eng sermahsul hujumlaridan birini to'xtatib qola olmaydi.

Aleksey Miranchuk Kvaracxeliyadan qimmatroq?!

Sergey Rumyancev

Nozima To'xtamirzaeva