Namangandagi “Markaziy” stadioniga zamonaviy turniketlar o'rnatildi

So'nggi paytlarda futbolimizda amalga oshirilayotgan o'zgarishlar klublarimizni ham yangilik sari undamoqda desak xato bo'lmaydi. Xususan, “Navbahor” futbol klubi joriy yilgi mavsumdan boshlab o'yingohga kirish chiptalari va muxlislarni aniq hisobini yuritish maqsadida kirish darvozalaridagi turniketlarga yangi zamonaviy elektron moslamalar o'rnatdi. Yani kirish darvozalariga o'rnatilgan moslama chiptaga tushirilgan shtrix kod orqali ochiladi. Bu hol chiptalarni qalbakilashtirishni oldini oladi. SHu bilan birgalikda chiptasiz muxlislar o'yingohga kira olishmaydi.

SHuningdek, har bir darvozaga qo'shimcha kuzatuv kameralari ham o'rnatildi. Yangi innovacion g'oyalarni qo'llanishi esa klublarning moliyaviy holatini mustahkamlanishida muhim omil vazifasini o'tab beradi.

Eslatib o'tamiz, bugun Namangandagi “Markaziy” stadionida mavsumning ochilishi va Superliganing 3-turidan o'rin olgan “Navbahor” - “Lokomotiv” jamoalari o'rtasidagi uchrashuv bo'lib o'tadi. Ochilish marosimida O'zbekiston milliy olimpiya qo'mitasi prezidenti va O'zbekiston futbol associaciyasi 1-vice-prezidenti Umid Ahmadjonov ishtirok etadi.

SHuni alohida takidlash kerakki, o'yin boshlanishiga hali ancha vaqt borligiga qaramay, "Markaziy" stadioni atrofida futbol muxlislari juda ko'p. Bugun Namanganda haqiqiy futbol bayrami bo'lishi kutilmoqda.