Nagelsmann: "PSJning passivligidan hayron qoldim"

"Bavariya" bosh murabbiyi birinchi uchrashuvdan (1:0) keyin taassurotlari bilan o'rtoqlashdi.

"Biz dastlabki 25 daqiqada yaxshi o'yin ko'rsatdik va vaziyatni nazorat qildik. SHunday bo'lsada, hujum fazasida va bevosita raqib darvozasiga xavf solishda samaraliroq harakat qilsak bo'lardi. Nazarimda, futbolchilarim ham to'p bilan bu qadar ko'p muomalada bo'layotgani va PSJ ortga qaytib olganidan hayron qolishdi.

Men PSJ chuqur himoyalanishini bilardim, lekin ular o'ta passiv harakat qilganidan hayron qoldim. Raqib shunchalik chuqur himoyada ediki, to'pni olib qo'yish niyati ham yo'qdek tuyuldi", – dedi Nagelsmann.