MYU yirik hisobda g'alaba qozondi

"Manchester Yunayted" - "Aston Villa" 4:1
Gollar: Runiy 20, 45 (pen.), Mata 57, CHicharito 90+1 - Vestvud 13
"Manchester Yunayted": De Xea, Rafael, Jons, Vidich, Byutner, Yang, Fellaini, Fletcher, Kagava, Mata, Runiy
Zahiradagilar: Amos, Giggz, CHicharito, Kerrik, Nani, Uelbek, Yanuzay
"Aston Villa": Guzan, Bakuna, Vlaar, Klark, Bertrand, Vestvud, Delf, Olbrayton, Vayman, Benteke, Agbonlaxor
Zahiradagilar: Steer, Salla, Holt, Tonev, Bennet, Robinson, Louton.
Ogohlantirishlar: Rafael 12, Byutner 16 - Bakuna 44, Bertran 64, Klark 88, Louton 90+3

MATNLI TRANSLYACIYA

MYU yirik g'alabani qo'lga kiritdi.
Uchrashuv o'z nihoyasiga etdi.
90+3'. Loutonga sariq.
Zahiradan tushganlarning goli desak ham bo'ladi. Yanuzay chap qanotdan pas oshirdi, CHicharito esa ortiqcha qiyinchiliksiz uni darvoza to'riga kuzatib qo'ydi.
90+1'. Goool. CHicharito. 4:1.
88'. Tezkor qarshi hujumni boshlayotgan Fellaynini yiqitgani uchun Klark ogohlantirildi.
87'. MYU futbolchilari to'pni nazorat qilishmoqda, maqsad - raqibga imkon bermaslik.
85'. Ikkinchi bo'limda maydonga tushgan Tonevning zarbasiga ozgina aniqlik etishmali.
80'. Mezbonlarning uzoq davom etgan hujumlari samarasiz nihoyasiga etdi.
78'. Bentekeda navbatdagi imkoniyat, bu safar ham muvaffaqiyatsiz.
77'. Ketma-ket ikki vaziyatda Vidich va Benteke o'rtasidagi havodagi kurashda MYU sardori ustunlik qildi.
75'. Bugungi uchrashuvda dubl qayd etgan Ueyn Runiy o'rniga maydonga CHicharito tushirildi.
71'. Runiy raqib jarima maydonida juda qulay imkoniyatga ega bo'ldi. Uning zarbasini Guzan qaytarib qoldi.
71'. Agbonlaxor o'rniga Tonev tushdi.
70'. Yanuzay chap qanot bo'ylab uchta raqibni ortda qoldirdi va zarba berdi. Guzan o'z o'rnida.
68'. Runiyning birinchi goliga hammualliflik qilgan Kagava o'rniga maydonga Adnan Yanuzay tushirildi.
67'. Benteke Vidich bilan kurashda yiqilib tushdi, hech qanday penalti yo'q.
64'. Rayan Bertran ogohlantirildi.
Bu gol Xuan Mataning "mankunianliklar" safidagi dastlabki goli.
Avvaliga Fellayni zarba berdi, lekin to'p himoyachilardan biriga tegib markaz tomon siljidi. Uni Mata o'ng oyoqda darvozaga joylab qo'ydi.
57'. 3:1. Mata.
54'. Benteke Olbrayton tomonidan havodan uzatib berilgan to'pni De Xea darvozasiga kirita olmadi. Bentekeda oxirgi 5 daqiqa ichida ikkita qulay vaziyat yuzaga keldi.
U zarba berishda texnik xatoga yo'l qo'ydi, ikkinchi zarbaga esa Kerrik imkon bermadi.
49'. Benteke juda ham qulay imkoniyatdan foydalana olmadi.
Birinchi bo'limda sariq kartochka olgan Rafael o'rniga Kerrik tushirildi.
Ikkinchi bo'limni ham boshlab yuborishdi.


Mataga nisbatan Bakuna tomonidan ishlatilgan qo'pollik

Runiy APLning barcha davrlardagi to'purarlari ro'yxatida to'rtinchi o'ringa chiqib oldi. Uning hisobida endi 171 ta gol bor. Ro'yxatni Alan SHirer 260 goli bilan boshqarib turibdi.


SAF odatdagidek MYUning har bir uchrashuvini bevosita maydondan kuzatib bormoqda.

Martin Atkinson hushtagini chaldi va jamoalarni tanaffusga taklif etdi.
11 metrlikni Xuan Mata ishladi, unga nisbatan qo'pollik ishlatgan Bakunaga sariq kartochka ham ko'rsatildi.
Goooool. Runiy Guzanga hech qanday imkoniyat qoldirmadi.
45'. Runiy to'p yonida.
44'. Penalti.
41'. MYU ketma-ket ikkita xavfli vaziyatni yuzaga keltirdi. Kagava va Runiyga yakun etishmadi.


Byutner va Klark to'p uchun kurashda.

33'. Mata havolatib to'pni uzatdi, to'pga Kagavadan oldin himoyachi "kalla qo'ydi".
27'. Runiy chap qanotdan jarimani amalga oshirdi. To'p himoyachidan chiqib ketdi, bosh hakam esa erkin zarbani ko'rsatdi.
26'. Hisob tenglashgach, o'yin mehmonlar darvozasi atrofiga ko'chdi.
Malumot uchun, "Villa" Runiy uchun eng qulay jamoalardan iri hisoblanadi. "SHrek" faoliyati davomida birmingemliklar darvozasiga 11 ta to'p kiritgan edi. Hozirgisi uning "Aston Villa" darvozasiga kiritgan 12 goli bo'ldi.
Runiy boshi bilan zarba berdi va hisobni tenglashtirdi. Unga to'pni Kagava uzatib bergan edi.
20'. Gooooooool. Runiy - 1:1.



17'. Yang qanotdan to'pni uzatdi, to'pga esa Runiydan avval mehmonlar darvozaboni Guzan etib keldi.
16'. Endi Byutner sariq oldi.
MYU futbolsilarining maydon markazida to'pni raqibga oldirib qo'yishlari oxir-oqibat golga olib keldi.
13'. Hisob ochildi. "Villa" azosi Vestvud jarima zarbasini golga aylantirdi.



12'. Rafael Agbonlaxorga nisbatan qo'pollik ishlatgani uchun sariq kartochka bilan siylandi.
9'. Mataning jarima zarbasidan uzatgan to'pi samarasiz.
8'. Mehmonlar chap qanotdan jarima zarbasini ijro etishdi. Omadsiz to'p uzatilishi.
Hozircha jamoalar hotirjamlik bilan pozicion hujumlar uyushtirishga harakat qilishmoqda.

Translyaciya rejissyorlari "Boss"(SAF)ni uchrashuv boshidayoq ko'rsatib o'tishdi.
Uchrashuv boshlandi. Ketdik.

Endi esa jamoalar maydonga chiqib kelishmoqda.

Bugungi uchrashuvning eng asosiy kadri ham maydonga chiqib keldi - David Moyes.

Jamoalar maydonga olib chiquvchi yo'lakchada turishibdi.

APLning bu yilgi mavsumida MYU o'z uyidagi 6ta o'yinni boy berdi. Bu so'nggi 3 yil mobaynida uyda uchralgan mag'lubiyatlar sonidan ham ko'pdir.

Jamoalar uchun ushbu baxs o'zaro 182-o'yin bo'ladi. O'zaro uchrashuvlardagi g'alabalar soni bo'yicha katta ustunlik MYU tomonda - 94-49. Jamoalarning barcha turnirlardagi so'nggi 34 ta baxsida birmirgemliklar faqatgina bir marotaba g'alaba qozonishgan. Lekin, "Qizil iblislar"ning bu mavsumda ko'plab antirekordlarni yangilayotganini inobatga oladigan bo'lsak, hozirgi MYU uchun har bir uchrashuv havotirli tuyuladi.

Bugun "Orzular teatri"da navbatdagi spektakl namoyish etiladi.



- Uchrashuv soat 17:45da boshlanadi.