MYU Garnachoga uzoq muddatli shartnoma taklif qildi: klub argentinalikni bo'lajak superyulduz deb biladi

18 yoshli hujumchining amaldagi shartnomasi 2022/23 yilgi mavsum oxirida yakuniga etadi. 

Insayder Nikolo Skiraning so'zlariga ko'ra, "qizil iblislar" rahbariyati istiqbolli futbolchini bo'lajak yulduz sifatida ko'rib, uning shartnomasini tezroq uzaytirishni rejalashtirmoqda. Agar muzokaralar muvaffaqiyatli yakunlansa, Garnacho bilan yangi kelishuv 2027 yilgacha amal qiladi.

Payshanba kuni argentinalik futbolchi "Manchester Yunayted" asosiy jamoasi safida Evropa Ligasi doirasidagi "Real Sosedad"ga o'yinda debyut golini urdi.