MYU futbolchisining agenti: "Ronalduning kelishi biz uchun yomon xabar"

"Krishtianu MYUga o'tdi va biz uchun yomon xabar. Pogba chap tomonda o'ynaydi. Ronalduning kelishi bu yarim himoyachilar soni yana bittaga ortganini anglatadi.

Biz Sulsher va MYU rahbariyati bilan gaplashdik. Biz yangi klub qidirdik, Donni "Everton"ga o'tishi mumkin edi. Bu klub bilan muzokara boshladik.

Dushanba kuni kechqurun, transfer oynasi yopilishiga bir necha soat qolganida Sulsher qo'ng'iroq qildi. Bu transfer amalga oshmasligini va ertalab Donni mashg'ulotga kelishini malum qilishdi.

Donii – Angliya liga kubogi, Angliya kubogi yoki evrokuboklarda o'ynaydigan futbolchi emas. Van de Bek Angliyaga APLda o'ynash uchun kelgan.

O'ylashimcha Donni bu mavsum ko'proq imkoniyatga ega bo'ladi.

Donni ko'p ishladi va atigi 7 kun dam oldi xolos. Qolgan vaqtda u top-formaga kirish uchun shug'ullandi. U tayyor", – deydi Albers Ziggo Sport nashriga.

Eslatib o'tamiz, van de Bek bu mavsum MYU safida maydonga tushgani yo'q. APL doirasidagi uchala o'yinda ham u zaxirada qoldi.