MYU "Atletiko" futbolchisini 30 mln. evroga sotib olishi mumkin

MYU yozgi transfer oynasi oxiriga yaqin sobiq "Chelsi"  yarim himoyachisini olish imkoniyatini ko'rib chiqqan, ammo 25 yoshli futbolchi klubda qolishi aytilgan edi.

Shunga qaramay, mankunianlar qishda Gallaxer nomzodiga qayta ishora qilishi mumkin. Avval xabar qilinganidek, angliyalik futbolchi 2026 yilgi JCHda qatnashish imkoniyatlarini oshirish uchun ko'proq o'yin amaliyoti xohlaydi.

Gallaxer 2024 yil yozda "Atletiko"ga 34 mln funt evaziga o'tgan, joriy mavsumda esa madridliklar safida faqat 3 ta o'yinda asosiy tarkibda maydonga tushgan.

Insayder Fabricio Romano o'z YouTube-kanalida shunday dedi:

"Konor Gallaxerning yanvar oyida yoki, ehtimol, yozda 'Atletiko Madrid'ni tark etish ehtimoli bor. Bu bitim formulasiga ham bog'liq bo'ladi. 'Manchester Yunayted' avgust oyining so'nggi kunlarida Gallaxerga qiziqqan, ammo 'Atletiko' uni ijaraga berishni rad etgan — ularda bunday reja yo'q.

Agar doimiy transfer bo'yicha taklif tushsa, vaziyat boshqacha bo'lishi mumkin. Taxminan 30 mln evro atrofidagi summa haqida gap ketmoqda. Manbalarning aytishicha, bu yanvarda Konor Gallaxerni qo'lga kiritishning yaxshi yo'li."

Romano qo'shimcha qildi: Angliya va Italiyadagi boshqa klublar ham Gallaxer bilan bog'liq vaziyatni kuzatib turibdi.