MYU Xoylund uchun rasmiy taklif tayyorlamoqda

Bu haqda insayder Fabricio Romano xabar berdi.

Unga ko'ra, mankunianlar futbolchi bilan shaxsiy shartnoma shartlarini kelishib olishgan. "Atalanta" 20 yoshli daniyalik uchun 70 mln evro talab qilmoqda. Qolaversa, bergamoliklar MYU o'z futbolchilarini shartnomaga qo'shishini istashmayapti.

Xoylund "Atalanta" safida 2022 yilning avgustidan buyon o'ynaydi. Hujumchi 2022/23 yilgi mavsum Italiya jamoasi safida 34 ta o'yinda maydonga tushib, 10 ta gol urdi va 4 ta golli uzatmani amalga oshirdi. Transfermarkt portali futbolchining narxini 45 mln evroga baholamoqda.