Muxtor Qurbonov: “Sayt ijodkorlarining etiboridan mamnunman”

SHu munosabat bilan Qurbonovni suhbatga chorladik.

- Kuni-kecha o'zimga yaqin insonlar bilan suhbatlashib o'tirganimizda bir tanishim birinchi ligada “Eng yaxshi murabbiy” bo'lganimni “championat.asia” saytidan o'qib berdi. Rosti bundan juda xursand bo'ldim. Sayt ijodkorlarining etiboridan mamnunman. Har qanday murabbiyga yoqimli va shu bilan birga yanada yaxshi ishlashga turtki beradi. Fursatdan foydalanib barchalaringa katta rahmat – deya gap boshladi Muxtor Qurbonov.

- “SHo'rtan” bilan chempionlikka erishib, o'z oldingizga qo'yilgan vazifani uddaladingiz. SHu bois “Eng yaxshi murabbiy” nominaciyasida g'olib chiqishingizni qanday qabul qildingiz?
- To'g'risi, bunday bo'lishini kutmagandim.

- SHaxsan o'zingiz bu borada kimlarga ovoz bergan bo'lardingiz?
- Nematulla Qutiboev bilan Dilshod Andaev. Negaki, Andaev Muborakda akademiya tarbiyalanuvchilaridan iborat kurashchan jamoa tuza oldi. Yoshlar va o'smirlar terma jamoasiga ham “Mashal”dan ko'plab nomzodlar bor. Bu esa u erda ish to'g'ri yo'lga qo'yilganidan dalolatdir. Qutiboevga keladigan bo'lsak, u bilan ilgari “Neftchi”da va O'zbekiston milliy terma jamoasida birga o'ynaganmiz. Qanday harakterga ega ekanligini yaxshi bilaman. Nukusdagi kamtarona sharoitlarga ega bo'lsada, Nematulla kurashchan jamoa shakllantirgani tahsinga loyiq. To'g'ri, “Orol” moddiy jihat va sharoitlar borasida u qdar maqtana olmasligi mumkin. Lekin murabbiy mahalliy o'yinchilar ishtirokida yakdil jamoa tuzdi.

- Ortda qolgan mavsum siz uchun muvaffaqiyatli yakunlandi desa bo'ladi. Fikrimizga qo'shilasizmi?
- Ha, “SHo'rtan”ni yana elitaga olib chiqdik. Bunda klubning barcha hoimlarini xizmati boriligini aytib o'tgan bo'lardim. Rahbariyat imkon qadar sharoitlarni yaratib berdi va biz ham o'z navbatida vazifani bajardik. Murabbiy sifatida bu ilk yutug'im bo'ldim. Nasib qilsa oliy ligada ham o'zimni ko'rsatmoqchiman. Men kabi yosh murabbiy uchun bunday yutuqlar qo'shimcha kuch bag'ishlaydi.

- Kelgusi rejalar qanday?
- Hozircha rahbariyat bilan yangi mavsum tayyorgarligi borasida puxta gaplashib olganimiz yo'q. Oliy ligaga chiqqanimiz munosabati bilan yaqinda bayram dasturxoni yoziladi. Unda kichik oltin medallar ham topshiriladi. SHunda so'ng rejalar borasida fikr almashamiz. Menimcha 15 dekabrdan tayyorgarlikni boshlasak kerak.


Islombek Rustambekov suhbatlashdi.