Muxsin Ubaydullaev: Iroq bilan o'yinda g'alaba qozonishdan boshqa yo'limiz yo'q

- Birinchi o'rinda Qatardagi musobaqa o'ta yuqori saviyada bo'lib o'tayotganini aytib o'tishim darkor. Turnir ishtirokchilar uchun yaratilgan sharoitlar alo darajada. Janubiy Koreyaga qarshi o'yin haqida gapiradigan bo'lsam, ushbu bahsda g'alaba qozonishimiz mumkin edi. Ammo hakamning xatosi bizga qimmatga tushdi. Endi bizni Iroqqa qarshi o'yin kutyapti. Jamoadoshlarimiz bilan bir bo'lib, keyingi o'yinlarda g'alaba qozonishga harakat qilamiz. Oldimizda boshqa yo'l ham yo'q. Nima uchun asosiy tarkibda o'ynamagim haqidagi savolinizga kelsak, birinchi galda bu narsani murabbiylar shtabi hal qiladi. Agar bosh murabbiy menga ham imkon berib, maydonga tushirsa jamoamizga qo'ldan kelgancha yordam beraman , - dedi Muxsin Ubaydullaev.

Akramjon Mamadaliev suhbatlashdi