"Navbahor" murabbiyi: "G'alabani Abdujamol Isroilovga bag'ishlaymiz"

"Bunga qadar ketma-ket durang natijalar qayd etgandik. Bahsdan avval Xayrulla Bozorov kirib faqat g'alaba qozonishimiz kerakligini aytdi. Yigitlar o'zlarini qo'lga olishdi va qiyin bahsda g'alaba qozonishdi. Barchani tabriklayman, muxlislarni ham, rahbariyatni ham.

"Buxoro"ning o'tgan o'yinlarini tomosha qildik va raqibni o'rgandik.

Bugungi g'alabani Abdujamol Isroilovga bag'ishlaymiz. Yosh yigit oyog'ini sindirib oldi. Muxlislar tinmay unga qo'ng'iroq qilib sog'lik tilashmoqda, u bizdan muxislarga rahmat aytib qo'yishimizni so'radi", - deydi Mustafo Bayramov.

"Bugungi uchrashuv qiyin bo'ldi. Bosh murabbiy ketganiga qaramay biz o'zimizda ishonch topib g'alaba qozondik. Muxlislarga rahmat aytmoqchiman, menga ishonganlarga rahmat.

Bosh murabbiy ketdi endi uni qaytarib bo'lmaydi. Hayot davom etadi. Bugungi g'alabamizni Andrey Kanchelskis va o'tgan turda og'ir jarohat olgan Abdujamol Isroilovga bag'ishlaymiz. Tezroq sog'ayib safga qaytishiga tilakdoshman", - deydi bahsning eng yaxshi futbolchisi SHahzod SHaymanov.

Bekzod Tolibov yozib oldi.