Murod Ismoilov: “O'ylaymanki bugun munosib ravishda g'alaba qozondik”

-Bu jamoalar o'rtasidagi bahs har doim mana shunday jiddiy kurashlarga boy bo'ladi. Bugungi o'yin ham bundan mustasno emas. O'yinga tayyorlanish chog'ida raqibni ko'p jihatlariga etibor qaratgandik – deya gap boshladi Murod Muzaffarovich.

- OTJdagi o'yinchilarimiz safardan qaytib kelishgandi. Bugun ularning ham xizmatidan foydalandik. Oldindan o'ylagan rejamiz bugun ish berdi deb hisoblayman. Zaxiradan tushgan futbolchilarimiz o'yinni kuchaytira oldi va g'alabaga munosib hissa qo'shdi. “Navbahor” jamoasiga keyingi o'yinlarda omad tilayman. Qolaversa bugungi o'yinda bizni stadionga kelib qo'llab-quvvatlagan ishqibozlarimizga minnatdorchilik bildiraman. Keyingi o'yinlarda ham mana shunday muxlislik qilib, bizni qo'llab-quvvatlashini so'rab qolaman.

- SHerzod Hakimovni biz o'yinni kuchaytirish uchun maydonga chiqardik. Lekin bunday tez o'yin bo'layotgan uchrashuvga kirishib ketish har bir futbolchiga qiyin. Agarda qarshi hujumlarda Hakimov qulay paslar bilan taminlanganida balki u biz kutgan rejani yanada amalga oshirib berardi. Uning mahoratiga shubha yo'q. Oldindan rejamizda bo'lgan barcha futbolchilarni maydonga tushirishga xarakat qildik.

- Klubda har bir futbolchining o'z o'rni bor. SHu jumladan olimpiya terma jamoasiga nomzod o'yinchilarimizni ham. Albatta ularning foydasi katta bo'ladi. Bizning ishimiz ularning kuchidan oqilona foydalanishdir. Biz shuni to'g'ri amalga oshira olsak, natija ham ijobiy bo'ladi.

- Maydon xolati hali to'liq tayyor bo'lmagani bois kombinacion o'yin namoyish etish qiyin edi. Lekin shunga qaramay yigitlar baribir ayrim xolatlarda qandaydir bog'liqlik va qandaydir kombinaciyalar chiqarishga xarakat qilishdi. Buning uchun ularga katta rahmat.

- G'alabamiz tasodif emas. Bizda ko'proq imkoniyat bo'ldi. Navbahor yaxshi shakllangan, kuchli jamoa. Bugun ularni ikkita hujumchi bilan o'ynashini kutmagandik. SHunga qaramay himoyachilarimiz yaxshi o'ynashdi. O'ylaymanki bugun munosib ravishda g'alaba qozondik.
- Otabek Haydarovni ikkinchi hujumchi sifatida maydonga tushirdik. Lekin u gol urayotganida uzoqroqdan zarba berdi. O'yinning xolati shuni taqozo etdi. Qolaversa unga ko'proq oldinga xarakat qilishini uqtirgandik. Gol bo'lgan vaziyatda sezgi ustunlik qildi.

- Nima uchun Qo'qondagi stadionda o'ynaganimiz haqida men biron narsa deya olmayman. Bu savol menga emas. Lekin baribir o'yin sifatimizga bu narsa xalaqit berdi. Quvonarlisi esa ikkinchi bor “Navbahor” bilan Qo'qonda o'ynab, g'alaba qozondik. Bundan juda xursandmiz – deydi Ismoilov.


Islombek Rustambekov yozib oldi.