Mundial oldidan. Mirjamol Qosimov: "Hech bir raqibdan qo'rqqanimiz yo'q"

"Hozir eng muhim bahslar oldida turibmiz. SHu bois tayyorgarlik ham juda yaxshi bo'lgan. Hamma yigitlar masuliyatni sezgan holda harakat qilmoqda. Puxta tayyorgarlik ko'rilgan endi chiroyli o'yin ko'rsatib yurug' yuz bilan qaytishni niyat qilmoqdamiz. Kayfiyatlar juda yuqori va buni oxirigacha saqlab qolamiz deb o'ylayman", - deydi Mirjamol Qosimov.

- Belgilangan marragacha etib borishga jamoaning salohiyati etadimi?

Albatta, hamma narsani imkoni bor. Eng keraklisi mashg'ulotlarda chin dildan ishlab, buni maydonda ko'rsatishdir. Har qanday yutuqni qo'lga kiritsa bo'ladi.

- Germaniya yoki Gonduras tarkibidagi juda yuqori saviyali futbolchilarni ko'pligi futbolchilarini cho'chitmayapdimi?

Yo'q. Umuman bu haqida o'ylaganim ham yo'q. Nega cho'chishimiz kerak? To'g'ri ular Bundesligada o'ynashi mumkin lekin ular ham biz qatori futbolchi. Sportda bitta ibora bor hech qanday raqibdan qo'rqma. Biz ham hech bir raqibdan qo'rqqanimiz yo'q. Eng kerakligi futbolchilarni o'zida bo'lgan xoxishda. Harakat qilsa uddalasa bo'ladi .

- O'tkazilgan nazorat o'yinlari mos ravishda Portugaliya (Germaniya misolida), Urugvay (Gonduras misolida), Yangi Zelandiya (Fidji misolida) bilan bo'lib o'tdi. Bu o'yinlar orqali raqiblarni imkoniyatini qay darajada ekanligini bilib olishga erishdilaringizmi?

Yuqorida aytib o'tilganidek mana shu nazorat o'yinlarida raqiblarni imkoniyat uchun qulay bo'ldi. Ularga qarshi shu raqiblar misolini tasavvur qilsa bo'ladi. Har qanday raqibga qarshi o'ynashdan qo'rqmaymiz.

- Jahon chempionatidan nimalarni kutmoqdasiz ?

Har bir futbolchi uchun eng katta qadam mana shu jahon chempionati bo'ladi. SHu bois Zelandiyaga borib, eng kuchli o'yinlarimizni namoish etish va O'zbekiston nomini munosib himoya qilishdir. Evropadan kelayotgan murabbiylarni nazariga tushib xorij klublarda o'ynashdir.