Muhsin Nizomiddinov: "Dinamo" hakamlar yordamida Pro-liga o'yinlarini yutayapti"

O'yin haqida

- Hamma ko'rdi, muxlislar ham guvoh bo'ldi, o'yin durang natija bilan yakunlandi. Men ranjigan jihat, 500-600 kilometr masofa bosib kelgan jamoamiz muxlislari uchun achinarli o'yin bo'ldi. Menda "Dinamo"ga hech qanday xusumat yo'q. Biroq, bugungi o'yin ko'rsatib turibdi, Samarqand jamoasi hakamlar yordamida Pro-liga o'yinlarini yutayapti. Ular bejizga 2-o'rinda borishayotgani yo'q. Bunaqada o'zbek futboli rivojlanmaydi. Hakamlar golni bekor qiladi yoki penalti qo'ymaydi. Ularning ishini ko'rib chiqishlarini so'rayman. Ortda qolgan o'yinlarda hakamlar haqida bironta so'z aytmadim. Men bugungi o'yinda ko'rdim, jamoa muxlislarida ham madaniyat yo'q. Kerak bo'lsa, Qo'qonga borib muxlislik madaniyatini o'rganishsin. Bironta golimizda qoidabuzarlik ko'rmadim. Andishani otini qo'rqoq qo'ymanglar. Bunaqangi hakamlik bilan kuchli tomon yuta olmaydi.

- Asosiy ayblovingiz shu o'yin bo'yichami? Yoki "Dinamo"ni avvalgi o'yinlarda ham shu kabi xolatlar sabab peshqadamlar safida borayapti deb o'ylayapsizmi?

- Men "Dinamo"ning avvalgi o'yinlarini ham ko'rdim. Masalan, "Xorazm" yoki "Yunired" bilan o'yinlarda "Dinamo" g'alabaga haqli emasdi. Mutaxassis sifatida aytaman, bu o'yin menda shubha tug'dirdi. Alloh barchasini ko'rib turibdi. Biz ham o'sha jamoalar kabi xolatni boshimizdan o'tkazdik. 

- Jamoangizning bitta goli hisobga olinmadi. Ayblovingiz o'sha vaziyat bo'yichami yoki boshqa xolatlar ham bormi?

- Haqiqiy golni bekor qilishdi. O'sha uchinchi golimiz haqida aytayapman. Bu erda VAR tizimi qani? Markaziy o'yin bo'lsa? Qaerdan topib bekor qilishdi? Menda videosi bor.

- Nega Pro-ligada VAR tizimi ishlamaydi? Bu borada sizning fikringiz qanaqa?

- VAR tizimi Pro-liganing markaziy o'yinlarida bo'lishi kerak. Ikkita Superliga yo'llanmasini maqsad qilgan jamoa o'ynayapti, bo'lishi kerak. SHuning negizida norozilik kayfiyati kelib chiqayapti. Kulguli xolat, dastlab maydon markazini ko'rsatishdi, keyin bekor qilishdi. Vaziyatni qaysi VAR orqali ko'rishdi?

- "Qo'qon-1912"da o'zgarishlar jiddiy bo'libdi. Davron Fayzievning ketishi bilan bog'liqmi bu?

- Men klubda texnik direktor sifatida ishladim. Biz ko'p gol o'tkazib yuborayotgandik. Natijada jamoamiz vakillarining hammasining hissasi bor.

- Klubda maqsad qanday?

- Biz Superligani maqsad qilganmiz. Bu borada ishlaymiz va davom etamiz.